• Parlamentu Nasional aprova Orsamentu Jeral Estadu 2019 iha diskusaun Jeneralidade

Home » Anúnsiu » Parlamentu Nasional aprova Orsamentu Jeral Estadu 2019 iha diskusaun Jeneralidade Imprime pájina

Parlamentu Nasional aprova Orsamentu Jeral Estadu 2019 iha diskusaun Jeneralidade

Parlamentu Nasional Timor Leste ohin, 12 Desembru 2018 aprova ona iha diskusaun jeneralidade Orsamentu Jeral Estadu (OJE) 2019 ho total $ US1. 827 Biliaun passa ho votos Afavor 40, Kontra 25 no Abstensaun 0.

VIII Governu Konstitusional deklara ona katak Planu Estratejiku Dezenvolvimentu Nasional (PED) 2011‐2030 no Objetivu Dezenvolvimentu Sustentavel (ODS) ne’ebe Timor‐Leste adopta ona sai nu’udar dokumentu principal no sai baze ba programa VIII Governu Konstitutional ba tinan lima 2019‐2023, ne’ebe nia prioridades sumariza no aprezenta ona iha Livru Orsamentu No.1 OJE 2018, hanesan: Hametin Kapital Sosial,espesialmente iha saúde no edukasaun, Hametin Infrastrutura hodi tau aliserses/bazes ba kresimentu, Kontinua Dezenvolvimentu Ekonómiku, povu moris diak liu hosi kriasaun kampu serivsu no diversifikasaun ekonómia no Hametin Institusoens ba governasaun diak no servisu públiku ne’ebe diak liu

Diskusaun jeneralidade OJE 2019 halao durante loron tolu, hahu’u hosi tuku 3 lokraik, 6 Desembru 2018 no kuntinua iha 10 Desembru 2018 no remata iha tuku 12 meudia 12 Desembru 2018.

Nune’e mos hahu’u ohin lokraik, loron 12 Desembru 2018 to 22 Desembru 2018, Parlamentu Nasional kuntinua halao diskusaun especialidade hodi rona direta hosi kada linha ministerias hotu antes tama ba votasaun especialidade no votasaun final global.