• Mudansa Persentajen Indise Presu Konsumedor Fulan Janeiru 2018.

Home » Anúnsiu » Mudansa Persentajen Indise Presu Konsumedor Fulan Janeiru 2018. Imprime pájina

Mudansa Persentajen Indise Presu Konsumedor Fulan Janeiru 2018.

Dili, 20 Fevereiru 2018, Diresaun Gerál Estatístika (DGE) lansa Indise Presu Konsumer (IPK) fulan Janeiru 2018 nian ne’ebé mak lansa husi Diretor Gerál Estatístika rasik, Elias dos Santos Ferreira, iha salaun REHA edifísiu DGE Caikoli.

Iha okaziaun ne’e, Diretor Gerál ne’e hatete Consumer Price Index (CPI) ba fulan Janeiru sa’e ba (+0, 8%) no kompara ho fulan Novembru-Dezembru sa’e (+0, 5%) ho nune’e mudansa persentajen ba fulan Janeiru sa’e oituan tanba iha fulan Janeiru hahu tinan akadémiku foun entaun ba grupo edukasaun sa’e ba (+16, 6%).

Em jeralmente, mudansa persentajen IPK grupo hotu mensal sa’e (+0.8%) ba fulan Janeiru 2018, kompara ba fulan Dezembru 2017 mos sa’e (+0.5%). Presu sa’e hetan kontribuisaun maioria husi grupo Edukasaun (+16.6%), Hahan no Bebidas laos Alkoholika (+0.3%), Ropa no Sapatu (+0.8%) no Alkohol no Tabaku (+0.7%).

Presu sa’e iha grupo Edukasaun tanba kustu propinas sa’e ba tinan akadémiku foun iha eskola Sekundaria no Universitariu. Alem de ne’e, Grupo Hahan no Bebidas laos Alkoholika hetan impaktu maioria husi sub-grupo Fos (+0.7%), Vejetais (+0.4%), Produto Hahan n.e.c. (+0.7%), no Paun no Terigu (+0.3%). Sub-grupo Na’an (-0.2%) no Mina no Bokur tun (-0.2%) sai hanesan mudansa kontrariu (offset) ba grupo Hahan no Bebidas laos Alkoholika.

Indise_Presu_Konsumedor

Mudansa persentajen IPK anual sa’e (+1.6%) kompara fulan Janeiru 2018 – Janeiru 2017, hetan kontribuisaun husi grupo Hahan no Bebidas laos Alkoholika (+1.1%), Edukasaun (+16.6%), Ekipamentu no Manutensaun Mobiliariu Uma Laran (+1.8%), Ropa no Sapatu (+1.1%), Uma (+1.1%) no Alkohol no Tabaku (+0.7%). Grupo Rekreasaun no Kultura (-1.1%), Komunikasaun (-0.4%) no Transporte (-0.1%) sai hanesan mudansa negativu iha tinan kalendariu Janeiru 2018.

Inflasaun Tradeable mensal (+0.4%) no Non-Tradeable (+1.3%) sa’e iha fulan Janeiru 2018 – Dezembru 2017, IPK Non-Tradeable sa’e signifikante iha fulan ida ne’e tanba hetan impaktu husi kustu propinas edukasaun.

Inflasaun Tradeable anual sa’e (+1.7%) no Non-Tradeable sa’e (+0.9%) kompara fulan Janeiru 2018 – Janeiru 2017.

Iha seremonia ne’e partisipa husi representante Banku Central, Diresaun Nasional Polítika Ekonómia, Diresaun Gerál Tezouro, WFP, estudante UNTL, estudante UNDIL no funsiunariu DGE rasik.

Ba informasaun liu tan, favor klik iha: INDISE PRESU KONSUMER FULAN JANEIRU 2018