• Peritus Jestaun Finansas Publikas Fahe Esperensia ba Jestores Instituisaun Estadu Sira

Home » Anúnsiu » Peritus Jestaun Finansas Publikas Fahe Esperensia ba Jestores Instituisaun Estadu Sira Imprime pájina

Peritus Jestaun Finansas Publikas Fahe Esperensia ba Jestores Instituisaun Estadu Sira

Sanjay Vani, espesialista iha area Jestaun Finanseira no peritu Governansa Global ba rejiaun Azia Leste no Pasifiku ne’ebé oras ne’e hala’o servisu iha Washington ohin iha Auditoriu Ministeriu Finansas, 19 Fevereiru 2019, halo aprezentasaun konaba Jestaun Finansas Publikas (Public Finance Management) ba Diretor Jeral no Diretor Nasional sira inklui pontu fokais hosi linha ministerias no instituisaun estadu relevantes sira seluk.

Esbosu hosi aprezentasaun ne’e koalia kona-ba Jestaun Finansas Publikas no siklu orsamentál inklui
Reformas Jestaun Finansas Publikas no lisaun kona-ba reforma Jestaun Finansas Publikas hosi rai seluk.

Jestaun Finansas Publikas nu’udar sistema ne’ebé ho nia prosedimentus disponível ba entidades Governu hodi bele uza rekursus ho efikaz, efisiente no transparente. Importansia hosi aplikasaun Jestaun Finansas Publikas ne’e hodi bele iha estabilizasaun makroekonômia ho efisiênsia iha alokasaun rekursus através hosi orsamentu hodi bele hamosu efisiênsia ba prestasaun serviços públikus nian ho responsabilizasaun ba fundus públikus hirak ne’e.

Xave prinsipais hodi impulsiona ho susesu ba reformas Jestaun Finansas Públikas tuir isplikasaun hosi Sanjay Vani katak iha komponente lima (5) ne’ebé hahu’u uluk hosi prinsípiu ne’ebé afirma mos ba entidade reformas setor públiku sira seluk. Esperiênsia hatudu katak reformas iha Jestaun Finansas Públikas sei bele alkansa diak liu wainhira iha introdusaun hamutuk ho reformas ba setor públiku ne’ebé mais bo’ot. Xave principais seluk mak solusoens espesifiku ne’ebé la impoen susesu hosi solusoens osidental nian. Sanjay mos hatutan katak ezizensia ba reforma rasik, tenke iha konsultas liuhosi involvimentu partes interessadas hodi bele alarga apoio reformas nian no ikus liu haklean reformas Jestaun Finansas Públikas ne’ebé tenke hases hosi Ministeriu Finansas.

Sanjay Vani iha esperensia tekniku no jestaun liu tinan 35, liu liu iha área auditoria no Jestaun Finansas Publikas. Nia mos lidera ona implementasan kona-ba reforma Jestaun Finansas Publikas no hetan susesu iha nasaun balun hanesan Azia Leste, Sentral, Sul Azia Pasifiku, Europa inklui Afrika.