• PPP Relata Progresu Aeroportu Internasionál Presidente Nicolau Lobato ba Komisaun Inter-Ministeriál

Home » Anúnsiu » PPP Relata Progresu Aeroportu Internasionál Presidente Nicolau Lobato ba Komisaun Inter-Ministeriál Imprime pájina

PPP Relata Progresu Aeroportu Internasionál Presidente Nicolau Lobato ba Komisaun Inter-Ministeriál

Palasiu Governu Loron 17 Fulan-Fevereiru 2020- Diresaun Geral Gestão Mobilização Recursu Externo (DGGMRE sigla Português) liuhusi Presidente Grupo Traballu ba dezenvolvimentu Aeroportu Internasionál Presidente Nicolau Lobato (AIPNL), Jose D.R.F Abel ne’ebé mós sai hanesan Senior Advizór Parseria Públiku Privadu (PPP) relata progresu ne’ebé atinzi ona durante períodu ida-ne’e kona-ba prosesu dezenvolvimentu AIPNL ba Komisaun Inter-ministeriál.

Membrus Komisaun Inter-Ministeriál kompostu husi Ministrus nain lima (MoF, MoTC, PCM/MPIE, MNEC, MoP) no Membrus Grupu Traballu komposto husi Seniór Representantes sira husi entidades Governu (MoF/UPPP, MoTC, MoP, MPIE, MPCM no MNEC) balun no State Owned Entities (SOEs) ne’ebé reflekta iha Despaxu (No.042/PM/IX/2019) husi Primeiru-Ministru nian iha Loron 12 Setembro 2019.

Haktuir Jose D.R.F Abel katak, tópiku importante ne’ebé ohin Inter-ministeriál Working-Group apresenta iha reuniaun refere mak hanesan relata informasaun kona-ba reuniaun koordenasaun ho Airport’s stakeholders sira, planu asaun ba dezenvolvimentu Aereportu Internasional Presidente Nicolau Lobato no FASA (Financial Advisory Service Agreement). Nune’e mós apresenta Relatóriu Planu-Mestri ba dezenvolvimentu AIPNL ba Komisaun Inter-ministeriál sira-nian apresiasaun.

“Tuir Planu-Mestri ne’ebé aprova tiha ona, totál investimentu estimativas ne’ebe presiza hamutuk $ 483 millaun. Maibé ida-ne’e seidauk fixu tamba iha Detail Engineering Design (DED) mak foin determina montante fixu”.

Konstrusaun Aeroportu Nicolau Lobato sei dezenvolve tuir polítika Governu ne’ebé hatur tiha ona iha Planu Estratéziku Dezenvolimentu Nasionál (SDP 2011, p.97). Tuir planu refere, pista Aeroportu sei extende ba tasi ho naruk atinzi 2.5 km hodi prienxe padraun International Civil Aviation Organization (ICAO Sigla English). Nune’e mós atu hasa’e konektividade Timor-Leste ho nasaun hirak iha Asia Pasífiku no liga Timor-Leste ho merkadoria globál.

“Aeroportu ida-ne’e sei fó benefísiu ba nasaun liuhusi fasilita investimentu, turismu no transaksaun ekonómika ne’ebé nia impaktu positivu tebes ba dezenvolvimentu sosiál no ekonómiku”.

Konstrusaun Aeroportu ne’e ho modalidade Hybrid PPP Modality. Durasaun ba konstrusaun Aeroportu ne’e mais ou menus tinan 4. Ita projeta katak, konstrusaun sei komesa iha 2021 ba komponentes balun mas jeralmente konstrusaun sei termina iha 2024.

Organizasaun Internasional ne’ebé sei fó apoiu konstrusaun Aeroportu Internasionál mak hanesan ADB, IFC, JICA, DFAT, WORLD BANK no seluk-seluk tan.