• Komunikado Imprensa-Projeto PPP Portu Baia Tibar

Home » Anúnsiu » Komunikado Imprensa-Projeto PPP Portu Baia Tibar Imprime pájina

Komunikado Imprensa-Projeto PPP Portu Baia Tibar

Dili, 19 Dezembru 2017

Governu Timor-Leste deside kleur ona atu dezenvolve portu foun iha parte oeste Dili hodi bele serve nasaun ho tinan naruk tuir modelu Parseira Públiku-Privada (PPP).

Liu husi tenderizasaun internasional, Governu selesiona Bolloré Group (Parseiru Privadu) atu dezenvolve portu foun (green field port) iha Baia Tibar liuhusi modelu dezeñu, harii, ko-finansia, opera no transfere (Design Build Finance Operate & Transfer/DBFOT). Bolloré Group nu’udar kompañia Francês iha naran iha nivél mundial espesializada iha konsensaun portu no logístika, no agora dadauk opera terminal kontainer hamutuk 16 iha nasaun oin-oin. Atu hala’o dezenvolvimentu portu foun Governu asina akordu (kontratu) ho Timor Port S.A. (kompañia ne’ebé registradu iha Timor-Leste no nain husi Bolloré Group) iha loron 03 fulan Junho 2016 ba konsensaun tinan 30 nian.

Depois periodu konsensaun, Timor-Port S.A sei transfere fila fali portu internasional ne’e (Portu Tibar) ba Governu Timor-Leste.

Portu Baia Tibar sei sai nu’udar “State-of-the-art port” ho ekipamentu modernu hodi bele garantia movimentu rapidu (lais) no efisiente iha kontentore no kargu. Portu foun sei bele akomoda naviu (ró ahi bo’ot) liu Portu Dili no sei asegura kustu ba Freight (karegamentu) ne’ebé sei hamenus presu konsumidor.

Avaliasaun detallu ba impaktu ambiental no sosial hala’o husi parte konsessionária banati tuir padraun internasional, inklui medida hodi evita, hamenus (mitigate) ka halo balansu ba impaktu ambiental.

Projetu ne’e implementa nu’dar Parseira Públiku-Privada atu lori experiensia no “ teknologia know-how” husi operador portuario nivél mundial ba Timor-Leste, introduz inovasaun, promove efisiensia operasional no garantia prestasaun servisu ne’ebé di’ak ba públiku, no importante liu, Governu bele transfere risku bo’ot ba parseiru privadu, inklui risku konstrusaun atrazu, kustu exesivu, trafiku, efisiensia operasaun no seluk seluk tan. Modelu PPP kria mós insentivu adekuadu: tanba konsessionária maka sei opera portu durante tinan 30 nia laran, ida-ne’e maka sei sai sira nia interese (responsabilidade) hodi garantia halo konstrusaun ho kualidade ne’ebé di’ak.

Tuir akordu kontratu konsensaun, Timor Port S.A maka unika responsavél perante ba Estadu kona-ba dezeñu, ko-finansiamentu, konstursaun no operasaun ba Portu, tenke kumpri ho obrigasaun tomak no padraun nebe di’ak inklui tekniku espesifikasaun rigorosu banati tuir Kontratu Konsensaun. Timor Port S.A bele halo sub-contract independentemente ba servisu konstrusaun no operasaun ba entidade seluk no asegura entidade sub-kontratada kumpri ho espesifikasaun tekniku referidu iha Kontratu Konsensaun.

Tanba ida-ne’e, Konsessionaria lansa independentemente konkursu internasional no konklui tiha ona konkorsu ne’e ho kompañia selesionadu China Harbour Engineering Company (CHEC) nu’udar parte ne’ebé manan ba konstrusaun ba Portu Tibar iha data 12 Dezembru 2017.

Liu husi inke’ritu nebe Governo halo, International Finance Corporation (IFC) , nu’udar membru partense ba Banku Mundial, konfirma katak CHEC hola parte nu’udar China Communication Construction Company, ida ne’ebé antes ne’e interidada (Debar) husi Banku Mundial, maibe interidasaun ne’e termina tiha ona iha fulan Janeiru 2017, no nunka aplika ba portu.

Atu bele hatene liu tan kona-bá Lista atual ba pesoal singular no koletiva ne’ebé inelegível husi Banku Mundial, bele haree tuir iha link ida-ne’e: http://web.worldbank.org/external/default/main?theSitePK=84266&contentMDK=64069844&menuPK=116730&pagePK=64148989&piPK=64148984

Papel husi Governu maka atu asegura katak Konsensionaria no nia sub-kontraktor sira kumpri ho akordu Kontratu Konsensaun ne’ebé iha mekanismu sufisiente hodi proteje Governu wainhira iha failansu ruma akontese.

Tanba razaun ida-ne’e, Governu establese Unidade Jestaun Portu Baia Tibar hodi dedika totalmente ba implementasaun projetu ne’e, ho profisionais sira ho experiensia ne’ebé di’ak, tantu nasional no internasional, ne’ebé kombina ho koñesimentu (background) nesesáriu hodi jere akordu Kontratu Konsensaun durante faze konstrusaun (teknika, seguransa, saude no ambiente, no legal).

Atraves husi konkursu inetrnasional, konsorsiu EGT Engenharia & FASE Estudos e Projetos (“Engenheiro Independente”) ne’ebé selesionadu hodi hala’o supervizaun independente ba dezeñu no konstrusaun portu nian. EGT & FASE hanesan konsorsiu husi empresa fiskalizasaun internasional ho experiensia barak iha supervizaun portu nian iha nasaun oin-oin. Sira sei verifika katak Konsesessionaria kumpri rekerimentu hotu bazeia ba akordu Kontratu Konsensaun, inklui kompleta verifikasaun ba dezeñu no superviziona atividade konstrusaun hotu. Engenheiro Independente sei asegura katak Governu Timor-Leste kumpri atempadamente obrigasaun hotu bazeia ba akordu kontratu konsensaun hodi bele halo prosesu dezenvolvimentu projetu lao ho di’ak.

Durante faze konstrusaun, iha projeisaun katak sei iha servisu fatin liu 500 maka loke, maioria ba sidadaun no residente permanente Timor oan. Ida-ne’e nu’udar kompromisu husi Konsessionaria no Governu atu asegura targetu ida nee, la importa contraktor ida nebe mak Konsesionaria kontrata (hili) hodi harii Portu.

Finalmente, implementasaun Projetu PPP lori investimentu privadu bo’ot liu iha seitor infrastrutura públika mai Timor-Leste, no ida n’e mos hatudu hela sinal ba investor seluk katak Timor-Leste nu’udar fatin atrativo hodi bele hala’o negósiu.