• Programa Pilotu Sensu Agrikula ba Timor Leste sei hahu’u semana oin

Home » Anúnsiu » Programa Pilotu Sensu Agrikula ba Timor Leste sei hahu’u semana oin Imprime pájina

Programa Pilotu Sensu Agrikula ba Timor Leste sei hahu’u semana oin

Ministériu Finansas liu hosi Dirasaun Jeral Estatístika ohin, 14 Novembru 2018 halao enkontru konaba aprovasaun final instrumentu ne’ebé sei utiliza durante programa Pilotu Sensu Agrikultura ba iha Munisipiu 8, Postu Administrativu 19 no Sukus 30 inklui Rejiaun Administrasaun Espesial Ambeno Oecusse (RAEO) ne’ebé sei hahu’u semana oin, 19 Novembru 2018.

Realizasaun ba programa ne’ebé sei hala’o ho uza kestionariu ho tipu perguntas hanesan kestionariu uma kain agrikula, kestionariu ba komunidade inklui kestionariu lista uma kain nian ne’e hala’o liuhosi kooperasaun entre Intituisaun Estadu iha VIII Governu Konstitusional hanesan Ministériu Finansas, Ministériu Agrikultura no lina ministerius seluk ne’ebé sai hanesan membru Komite Tekniku hodi organiza primeiru Sensu Agrikula depois Timor-Leste ukun an.

Programa Pilotu Sensu Agrikultura ne’e sei hala’o tuir rejiaun 3 maka hanesan Parte Leste kobre Munisipiu Baucau no Viqueque, Parte Rai Klaran kobre Munisipiu Aileu, Ermera no Manufahi no Parte Oeste sei kobre Munisipiu Covalima no Bobonaro inklui RAEO, Oecusse.

“ Enkontru ohin membru Komisaun Téknika sira halo aprovasaun final ba instrumentu sira ne’ebé sei utiliza iha Programa Pilotu Sensu Agrikolas 2019 tuir Rezolusaun Govenrnu Nu. 23/2017 maka hanesan Kuestinoraiu Uma Kain, Kuestionariu Kimunitariu no Kuestionariu Listagen, Muzika Sensu Agrikula, Banner/Spanduk, Sitcker, ID Card, Jacket/Rompi, Pasta, Logo np Maskot Sensu Agrikula, Nota informasaun konaba Sensu Agrikula, Kamizola, Chapeu no Android ne’ebé sei uza ba intervista uma kain agrikultor sira”, tenik Diretor Jeral Estatístika, Elias dos Santos Ferreira durante sesaun aprezentasaun Programa Pilotu Sensu Agrikula ba Membrus ekipa téknika sira iha Salaun Enkontru Diresaun Jeral Estatístika Cai Coli, Dili

Enkontru ne’e hetan partisipasaun hosi membru Komite Tékniku Sensu Agrikula hosi, Diretor Jeral Finansas Estadu, Diretor Jeral Sekretaria Estadu Igualdade no Inkluzaun, Reprezentante Sekretariu Rejiaun Agrikultura RAEOA, Diretor Jeral SEFOPE, Diretor Jeral Desentralizasaun Administrativa, Reprezentante hosi Diretor Jeral Sekretariu Estadu Terras e Propriedades, Organizasaun hosi Nasoens Unidas kona-ba Alimentasaun no Agrikultura (FAO – sigla Ingles) no ekipa tékniku hosi Ministeriu Agrikultura e Peskas.