• Progresu Konstrusaun Portu Tibar Atinzi Ona 20,69 Pursentu

Home » Announcements » Progresu Konstrusaun Portu Tibar Atinzi Ona 20,69 Pursentu Print Page

Progresu Konstrusaun Portu Tibar Atinzi Ona 20,69 Pursentu

Project Management Unit (PMU) Tibar Port Rui Soares, halo aprezentasaun ba Komisaun Interministerial ba Projeto Portu Tibar ou Project Steering Committee (PSC) relasiona ho progresu konstrusaun Portu Tibar ne’ebé to’o final fulan-Dezembru 2019 atinzi ona 20,69 ho nia dezeñu ne’ebé maka atinzi mós progresu 87,57 pursentu. Aprezetasaun ne’e realiza iha Auditorium Xanana Gusmão Ministériu Finansas, loron 31/ 01/2020.

Atividade ne’ebé la’o iha tereñu ba dragagem ka eskavasaun rai iha tasi okos no ateru nian kompletu ona. To’o iha inisiu fulan-Dezembru ne’e area 27 hektares atu utiliza ba terminál kontentores sira ateru kompletu hotu ona. Hein de’it agora kontinua ho konstrusaun kais no konstrusaun edifísiu sira. Maibé kona-ba melloramentu rai sira ateru ne’e sei kontinua no presiza halo 52 mil perfurasoins para lori konosolida rai sira ne’ebé ateru atu bele prevene rai nakfera kuandu iha eventu rai nakdoko ruma.

Iha parte ambientál nian buat hotu-hotu la’o di’ak no la iha asidenti ruma. Iha deit observasaun ba animál tasi maibe jeralmente la iha impaktu ambientál ruma maka to’o agora ita rezistu.

Tuir mai dezenvolvimentu kontiúdu lokál ate Fulan – Outobru 2019 tuir informasaun ne’ebé iha kontratu ho kompaña lokál kuaze 53 ho valór totál liu miliaun 19 (sanulu resin sia). Ema sira ne’ebé servisu indireta hosi kompaña sira ne’e maka 375. Totál trabailladór lokál no estranzeiru ba konstrusaun portu Tibar maka 446. Hosi ne’e ita haree partisipasaun lokál kuaze 62,68 pursentu no estranzeiru 37,67 pursentu.