• RAEOA Iha Faze Tranzitoria Utiliza Sistema Government Resource Planning

Home » Anúnsiu » RAEOA Iha Faze Tranzitoria Utiliza Sistema Government Resource Planning Imprime pájina

RAEOA Iha Faze Tranzitoria Utiliza Sistema Government Resource Planning

Reziaun Administrativu Espesiál Oe-Cusse – Ambeno (RAEOA) seidauk integra iha sistema Government Resource Planning (GRP) no oras ne’e RAEOA sei uza sistema rasik hodi atualiza dadus orsamentu iha Portal Transparensia.Lia hirak ne’e hato’o Ministra Finansas en-ezersisiu no atual Vise Ministra Finansas Sara Lobo Brites iha Palasiu Governu hafoin partisipa Retiru Membru VIII Governu Konstitusionál iha loron 30 Maiu 2019.

“ Los duni to agora seidauk integra iha Government Resource Planning (GRP). Primeiru, karik ita bo’ot sira akompaña iha Parlamentu iha introdusaun faze tranzitoria ida, wainihira RAEOA seidauk integra iha sistema GRP sira sei uza lai sira nia sistema rasik” hatan Vise Ministra hodi responde kona-ba oinsa RAEOA hala’o ninia servisu iha prosesu ejekusaun Orsamentu Estadu nian.

Haktuir hosi Lei no 3/2014 de 18 de Junho, kona-ba kriasaun Reziaun Administrativa Especial Oé-Cusse Ambeno no hari’i Zona Espesial Ekonomia Sosial Merkadu iha Oé-Cusse no Ataúro, sai nu’udar Projetu Pilotu ba Zona Espesiál Ekonomia Sosiál Merkadu Timór-Leste nian ho funsaun atu hamoris polítika sira governasaun nian ne’ebé bele implementa iha fatin seluk iha li’ur, no nasionál nian nudar instrumentu atu dudu dezenvolvimentu ba oin ho ninia karater Rejiáun Administrativa Espesiál iha ninia autonomia administrativa no iha riku soi ho personalidade jurídika no órgaun rasik.

Hatan kona-ba lala’ok ezekusaun orsamentu RAEOA nian Ministra esplika katak tuir lei RAEOA sei aprezenta ba Tribunal de Kontas iha 31 de Maiu.

“Semana ida ne’e nia laran RAEOA sei aprezenta ba Tribunal de Kontas, espera katak Primeiru Ministru nia Gabineti sei simu kopia ida para ita bele hatene ezekusaun” hateten Vise Ministra Finansas

Atu bele integra RAEOA ba sistema GRP, difini ona iha lei Orsamentu Jerál 2019 no oras ne’e Governu Sentral servisu hela ho área finansas RAEOA nian para bele instala nu’udar faze tranzitoira.