• Rekoperasaun Garantia Trasitória Kresimentu Ekonómia

Home » Anúnsiu » Rekoperasaun Garantia Trasitória Kresimentu Ekonómia Imprime pájina

Rekoperasaun Garantia Trasitória Kresimentu Ekonómia

Ministru Finansas Rui A. Gomes hateten “Ita nia prioridade ka dezafius boot liu ne’e maka rekoperasaun ekonómia halo nusa maka ita garantia ekonómia ida ne’e bele tama fila-fali iha transitória kresimentu”, informa Ministru Finansas Rui A. Gomes iha Auditorium Ministériu Finansas bainhira hala’o enkontru primeiru ho Direzentes no Funisionáriu Ministériu nian iha loron 23 fulan-novembru tinan 2020.

Governante ne’e esplika, dezafius primeiru maka oinsa ita atu rekopera ita nia ekonómia garantia estabildiade ekonómia no sosiál. Estabilidade ekonómia maka empregu no ita iha desekilibriu makro ekonómia ida boot teb-tebes tanba dezempregu sai preokupasaun boot tebes iha nasaun ida ne’e. Segunda parte maka ita nia ajente ekonómia, ita nia eprezarius sira nia liquidez ne’e menus liu ita atu ajuda para sira bele dudu ba oin no bele halo investimentu iha nasaun ida ne’e. Iha parte sosiál ita bele assegura ita nia redimentu família labele monu makas liu maibé nia bele sa’e makas seim komponente seluk.

“Ida ne’e maka dezafius ita presiza infrenta iha tinan rua nia, tanba rekoperasaun ekonómia ne’e la akontese iha semana ida ka tinan ida pelumenus nia han tinan barak no ita presiza halo esforsu makas”, esplika Governante ne’e.

Tanba ne’e maka para ita atu bele ajuda ita nia ekonómia ne’e bele tama fali iha transitória ekonómia ida ne’e ita presiza mós zere kontas ne’e ho rigor ho responsabilidade.

“Tanba sa maka Ita presiza rigor ida ne’e maka ita bele assegura sustentabilidade finanseira, Ita la gasta osan maibé ita tenki investe osan”.

Governante ne’e mós reforsatan, iha parte balun maka hau hanoin para ita atu investe ba demanda ne’ebé maka urjenti dau-daun ne’e maka rekoperasaun ekonómika ne’e ita presiza muda ita nia performa katak ne’e labele ida bai-bain, ita nia pratika sira ne’e labele pratika sira medio. Iha parte ida fali maka hau hanoin katak, para ita bele responde ba demanda ida ne’ebé maka urzenti dau-daun ne’e hanesan rekoperaun ekonómia.

Iha reuniaun dahuluk ida ne’e hetan partisipasaun husi Vice-Ministra Finansas, Sara Lobo Brites Diretór Jeral, Diretor Nasional, Direzentes no Funisionáriu Ministériu Finansan nian.  REMATA