• Relatóriu visita SE Vice-Ministro ba Postos Integradus ho Postos Vijilânsias

Home » Anúnsiu » Relatóriu visita SE Vice-Ministro ba Postos Integradus ho Postos Vijilânsias Imprime pájina

Relatóriu visita SE Vice-Ministro ba Postos Integradus ho Postos Vijilânsias

Batugade – Salele, dia 19 – 21 Maio de 201

Visita SE Vice-Ministru Finansas akompanha husi DG Alfândegas ho Director Operasaun ba iha Postus Integrado Batugade, Salele no mos Postus Vijilansias balun hodi haré direitamente kondisaun servisu, difikuldades ka desafius durante ne’e funsionárius Alfândegas sira enfrenta iha terreno. Envolve mos iha visita ida ne’e funsionárius TVTL no mos Media Ministériu Finansas ho objetivu atu bele atualiza mos informasaun kona ba funsionamentu servisus funsionárius Alfândegas iha fronteiras atu nune’e públiku liu husi transmisaun iha RTTL no mos website Ministériu Finansas nian atu públiku sira mos bele akompaña no rona.

Iha visita ne’e, além de SE Vice-Ministru halo enkontru hodi rona rasik husi ofisiais Alfândegas iha Fronteiras kona ba servisus ne’ebé mak sira halo, desafius saida mak sira enfrenta no mos halo observasaun ba movimentasaun pasageirus sira ne’ebé mak tama mai nasaun Timor-Leste inklui mos observa direitamente inspeisaun físika ba kargus sira ne’ebé mak kareta bo’ot sira tula tama mai Timor-Leste.

Iha enkontru hirak ne’e, la rona deit saida maka ofisiais Alfândegas sira hateten. Tamba kna’ar bo’ot Alfândegas nian ida mak hatama reseitas ba estadu entaun SE Vice-Ministru uza oportunidade hirak ne’e hodi haré mos relatórius kona ba reseitas ne’ebé maka ofisiais Alfândegas sira kolekta durante 2014 no mos primeiru trimestre 2015 nian. Husi ne’e, nota katak Alfândegas sira halo servisu dunik no estatistikamente iha aumentu husi tinan ba tinan. Komparasaun reseitas husi Postu Integradu Batugade ho Postu Integradu Salele sei bo’ot liu husi Batugade nian tamba, movimentasaun pasageiros no mos merkadorias (sasán) barak liu. Maibé, iha espetativas ba futuru husi Postu Integradu Salele mos movimentasaun sei aumenta bainhira Supply Base ba Tasi Mani Project hahú funsiona.

Em termus koordenasaun servisus iha fronteiras entre Alfândegas ho UPF (Unidade Polícia Fronteiras) lao ho diak, nune’e mos ho Instituisaun Estadu nian sira seluk, inklui mos Ofisiais nasaun viziña Indonésia. UPF sira mos deklara bainhira sira prende karik importasaun no kaer karik kareta ilegal ruma sira halo auto de entregue ba Ofisiais Alfândegas hodi prosesa tuir prosedimentus aduaneirus.

Iha Maliana ho Covalima SE Vice-Ministro mos halao visita ba edifisiu Impostos, Estatístika no mos Patrimóniu hodi haré nia kondisaun no ao mesmu tempu halo mos enkontru ho ofisiais sira hodi haré mos sira nia servisus, desafius no problemas ne’ebé mak sira enfrenta. Enkontru ho Ofisiais Estatístika hodi haré sira nia preparasaun ba Sensus ne’ebé sei hahú husi dia 1 to’o 20 Julhu 2015. SE Vice Ministru nota no haré katak ofisiais no kazuais sira ne’ebé maka rekrutadu prontu no preparadu ba halao Sensus.

Observasaun iha Postus Integradus no Postus Vijilânsias nota katak presiza hadiak kondiasaun no ekipamentus balun atu nune’e ofisiais Alfândegas sira bele halao sira nia kna’ar ho diak liu tan.

Relata husi Ekipa Vista SE Vice-Ministru.