• Reuniaun Jestaun Fundu COVID-19

Home » Announcements » Reuniaun Jestaun Fundu COVID-19 Print Page

Reuniaun Jestaun Fundu COVID-19

Prezidente Konsellu Administrasaun Fundo Covid-19, ne’ebé reprezenta husi Ministra Interina Finanças, Sara Lobo Brites hala’o reuniaun hamutuk ho membru konsellu fundu Covid-19. Objetivu husi reuniaun ne’e atu diskute kona-ba progressu ezekusaun fundu Covid-19 to’o 28 fulan-Outubru tinan 2020, aprovasaun ba lista pagamentu Fundo Covid-19 ba Periodu fulan-Setembru no fulan-Outubro tinan 2020, aprovasaun programa no subprograma husi Ministru Koordenadór Asuntus Ekonómikus (MEKAE) nian no ikusliu aprovasaun plano ezekusaun iha fundu Covid-19. Iha biban ida ne’e mós Ministra Interina Finanças, Sara Lobo Brites fó benvindo ba Ministru Koordenadór Asuntus Ekonómikus, Joaquim Amaral tama nu’udar membru konsellu foun bazeia ba Decreto-Lei 14/2020, loron 23 fulan-Outubro tinan 2020, kona-ba Ezekusaun Orsamentu Jerál Estado tinan 2020.

Iha reuniaun ida ne’e hetan Partisipasaun husi Ministra Negósius Estranjeirus no Kooperasaun, Adaljiza Albertina Xavier Reis Magno, Ministru Koordenadór Asuntus Ekonómikus, Joaquim Amaral, Ministra Saúde, Odete Maria Freitas Belo, Ministra Interina Finanças, Sara Lobo Brites. FIM