• Rezultadu Ezekusaun OJE 2017

Home » Announcements » Rezultadu Ezekusaun OJE 2017 Print Page

Rezultadu Ezekusaun OJE 2017

Ezekusaun OJE 2017 - Final

Dili – Vice Ministru Finansas, Helder Lopes informa ba jornalista sira konaba rezultadu Orsamentu Jeral Estadu (OJE) 2017 iha nia servisu fatin Torre Ministériu Finansas, Aitarak Laran, Tersa-Feira, 1 de Agostu de 2017.

“Ezekusaun Orsamentu Jeral Estadu (OJE) ano fiskal 2017 nian agora daudaun atinji ona 53% husi total orsamentu US$ 1,386 mil milloens, ne’ebe em termus de nominal osan ida ne’ebe ita gasta ona hamutuk US$ 739.5 miloens. Balansu osan ne’ebé seidauk ezekuta hamutuk US$ 36 miloens ka em termus nominal US$ 501.2 miloens”, dehan Helder.

Ho trend ezekusaun ida ne’e, ita fiar katak Governu ida ne’e kontinua halo ezekusaun e governu foun mai mós sei halo kontinusaun ezekusaun, hodi nune’e osan to ano fiskal ne’e remata sei ezekuta hotu tuir programa ne’ebé traxa ona no aprova husi Parlamentu Nasionál (PN) liu husi diskusaun OJE 2017 sobre ezekusaun orsamentu.

Parte koleksaun reseitas nian, Timor-Leste iha fontes reseitas bo’ot rua, ida bo’ot liu ne’e maka mai husi mina no segundu maka mai husi reseitas doméstika ka reseitas ne’ebé ita kolekta husi ita nia atividades ekonómika ne’ebe mai husi impostu sira.

Vice Ministru ne’e esplika liu tan katak, husi reseitas ne’ebé ke mai husi mina iha fontes rua, ida ne’ebé ke ita fa’an mina ho gas osan ne’e tama mai ita nia estadu no ita tau kedas iha Fundu Petrolíferu no ba tinan ida ne’e ita hetan ona US$ 200 miloens. Ida fali maka osan ne’ebé ke ita rai iha Fundus Petrolíferu ita investe fila – fali ninia osan, ne’ebé ke ita hetan husi investimentu ita konsidera hanesan Reseitas Doméstika. Tamba ne’e maka husi 2017 sobre reseitas ne’ebé ke mai husi Retornu Investímentu Fundu Petrolíferu to’o iha fulan Juñu atinji ona US$ 880 miloens.

Ita investe osan ba tinan ida ne’e pozitivu teb-tebes maibé, merkadu finanseiru ne’e flútuativu retornu husi investimentu Fundu Petrolíferu ne’e muda tun sae komformi ba dezempeñu merkadu internasional.

Ba reseitas domestika ka osan ne’ebé ke ita kolekta husi impostu liu husi ita nia atividade ekonómiku to’o ohin loron ita kolekta US$ 104.8 miloens husi US$ 206 milloens ne’ebé ke ita preve ka ita prozeta atu kolekta ba tinan ida ne’e, tenik Vice Ministru.

Tanba ne’e maka liu husi ezekusaun atual tantu husi orsamentu ka reseitas ne’ebé ita kolekta, Ministériu Finansas fiar katak saida maka ita prozeta ka atu hetan ita bele atinji tantu ho governu agora ka governasaun foun ne’ebé atu mai.