• Segundu Konsultasaun Publiku Borrow Material

Home » Anúnsiu » Segundu Konsultasaun Publiku Borrow Material Imprime pájina

Segundu Konsultasaun Publiku Borrow Material

Ministériu Finansas Liu hosi Public-Private Partnership and Loans Unit (PPPLU) partisipa segundu konsultasaun publiku ba komunidade no autoridade lokal iha Suku Mota-Ulun Kaitehu, relasiona extrasaun Borrow Material ne’ebé sei utiliza ba Konstrusaun Portu Tibar, atividade refere realiza iha Sede Suku Kaitehu iha loron 16/03/2019.

Tuir Nasional Enviroment Espesialist hosi Public-Private Partnership and Loans Unit (PPPLU) ne’ebé toma konta ba Tibar Bay Port Project Development, Rosalyn Fernandes hateten, aprezentasaun ida ohin relasiona ho parte balun ne’ebé tenki aprezenta no dezemvolve relasiona ho Borrow Material hanesan fatuk ho medidas boot no kiikoan ne’ebé sei utiliza ba konstrusaun Portu Tibar. Ida ne’e parte kompaña sei ke’e Fatuk no harahun iha área Mota Ulun ne’ebé tuir ona espesifikasaun ba ninian kualidade. Tanba ida ne’e tama ona ba ita nia mining ka eskapasaun hosi ita nia rai no ida ne’e tenki hetan lisiensiamentu hosi Autoridade Nacional do Petroleo no Minerais (ANPM).


“Lisensiamentu iha parte rua hanesan Enviromental License no Mining Lisence no antes atu hetan Mining Lisence tenki hetan uluk lai Enviromental License”.

Projetu Portu Tibar hanesan Projetu Parseira Privadu Publiku (PPP) ne’ebé hetan apoiu hosi Ministériu Finansas, Ministériu Planiamentu no Investimentu Estratégico nomós liña Ministériais sira hanesan Ministériu Transporte no Komunikasaun, Ministériu Obras Publika. Tanba projetu ho modalidade PPP nia inpaktu ba orsamentu no estratejia infrestrutura mós bo’ot.


Iha sorin seluk tuir representante ANPM, Jose Gonsalves reforsa liutan katak, Projetu ida ne’e monu ba kategoria A iha rezime lisensiamentu ambiental ninian. Tanba ne’e governu forma komisaun ida ne’e para atu bele halo supervizaun ba prosesu tomak atu hetan lisensiamentu ambientais nain. Iha komisaun ne’e rasik iha reprezentante hosi Minsitériu Saúde, Ministériu Ensino Superior Ciencia no Kultura, Ministériu Obras Publika no ANPM rasik atu bele avalia dokumentus ne’ebe submete husi kompañia atu bele responde ba aspetu sira ne’ebé ligadu ba Ministériu ida-idak nia responsabilidade. Konsultasaun Publiku ne’e liga ba fatin ke’e no harahun Fatuk no mos aspeito hotu husi atividade ne’e hanesan mos movimentu transporte sira ne’ebé uza no atividade seluk tan ne’ebe sei fó impaktu ba komunidade nia moris loro-loron nian.

“Atividade ida ohin nia objetivu atu informa ba ita bo’ot sira kona-ba projetu ne’e, nomós atu rona hosi ita bo’ot sira nia hanoin oisa kona-ba projetu ida ne’e, para hamutuk ita bele suporta nia implementasaun. Karik iha impaktu negativu ruma mosu iha implementasaun projetu ida ne’e, hamutuk ita rezolve para labele fó impaktu negativu ba implementasaun projetu Portu Tibar”.

Ida ne’e hanesan konsultasaun publiku bo’ot ba daruak nian no bainhira hetan ona lisensiamentu nomós halo ona atividade sira bele halo sosializaun direta ho komuniadade sira.