• Sekretariu Jeral World Customs Organization, Kunio Mikuriya halao reuniaun ho Ministra Finansas Interina, Sara Lobo Brites

Home » Anúnsiu » Sekretariu Jeral World Customs Organization, Kunio Mikuriya halao reuniaun ho Ministra Finansas Interina, Sara Lobo Brites Imprime pájina

Sekretariu Jeral World Customs Organization, Kunio Mikuriya halao reuniaun ho Ministra Finansas Interina, Sara Lobo Brites

Photo 1

Organizasaun Mundial Aduanas (OMA – World Customs Organization, WCO), liuhosi ninia Sekretariu Jeral Kunio Mikuriya oras ne’e halao hela vizita ofisial mai Timor-Leste hahu’u hosi loron 21 – 23 Jullu 2019.

Iha loron daruak 22 Jullu 2019, Kunio Mikuriya halao audensia ofisial ho reprezentante Primeiru Ministru VIII Governu Konstitusional lidera hosi Ministra Finansas Interina no atual Vise Ministra Finansas, Sara Lobo Brites akompaña hosi Diretór Jerál Autoridade Aduaneira Jose Antonio Fatima Abilio iha sala reuniaun Ministériu Finansas pizu 10, Aitarak Laran.

“Importante agora ba ita tenke identifika saida maka ita hakarak iha prosesu reforma ne’ebé ita hala’o. Atu nune’e bele hato’o ba sira hodi diskuti iha WCO. Hodi nune’e WCO bele mobiliza nia esforsu hotu para oinsa bele suporta Timor-Leste.” Hateten Diretór Jerál Autoridade Aduaneira Josá Antonio Fatima Abilio ne’ebé mak akompaña reuniaun ne’e.

Haktuir hosi Konvensaun Internasional konaba Simplifikasaun no Harmonizasaun Prosidimentus Alfandegas, konesidus ho naran Konvensaun Kyoto Revizada nu’udar modelu konaba prosidimentus aduaneirus modernus no efisientes iha sékulu XXI, hateten katak prinsípius xave balun mak tenke iha transparênsia no previsibilidade hosi asoens aduaneiras inklui mos padronizasaun no simplifikasaun deklarasaun merkadorias ho dokumentus suporta nian. Konvensaun Kyoto Revizada mos hamosu xave prinsipius balun tan katak prosidimentus tenke simplifikadus ba pessoas autorizadas liuhosi uzu máximu teknolojia informasaun nian.

“Ita iha tiha ona lei falta deit Konvensaun Kyoto, Timor-Leste tenke adopta para bele implementa. Maske ita seidauk adopta maibé ita implementa hela nia rekomendasaun sira. Hanesan mós iha lei balun ita presiza hadia liu-liu hanesan Lei kona-ba Komersiu Internasional” deklara Diretór Jerál Autoridade Aduaneira.

WCO ne’ebé harii iha tinan 1952 no oras ne’e iha membrus hamutuk 183 pais no Timor-Leste rasik sai membrus OMA iha loron 19 Setembru 2003, hetan tiha ona kapasitasaun konaba Dezenvolvimentu Kapasidade iha Outubru 2014 liuhosi tulun Ajênsia Kooperasaun Dezenvolvimentu, Noruega, (Norwegian Agency for Development Cooperation (NORAD).

“Vizita ida ne’e primeira ves, para hakarak hatene Alfandega Timor-Leste nia prosesu la’o mai ne’e saida maka atinzi ona no dezafius saida maka Alfandega hasoru no saida maka Organizasaun Alfandega Mundial bele kontribui atu hadia sistema servisu Alfandegas iha Timor-Leste” hateten Sekretariu Jeral WCO, Kunio Mikuriya.


Vizita ofisial hosi Sekretariu Jeral WCO, Kunio Mikuriya mai Timor-Leste hodi hare konaba aplikasaun akordu tuir padraun internasional best practice iha sistema Alfandegas ne’ebe mak aplika iha pais ne’e. Tanba rekonese Timor-Leste mos pasparte hosi membrus ne’ebe kumpri konvensoens Internasional hosi OMA. Iha parte seluk, vizita ne’e hodi hare mos kapasidade rekursus humanus ne’ebe oras ne’e Alfandegas Timor-Leste iha hodi nune’e WCO no ninia membrus pais sira seluk bele fornese asistensia ou apoiu nesesista ne’ebe Alfandegas Timor-Leste presiza hodi melllora prestasaun servisu Alfandegas nian hanesan mos pais sira seluk.