• Selebrasaun Tinan 3 Konstrusaun Portu Tibar

Home » Anúnsiu » Selebrasaun Tinan 3 Konstrusaun Portu Tibar Imprime pájina

Selebrasaun Tinan 3 Konstrusaun Portu Tibar

1-IMG_6270

Public-Private Partnership and Loans Unit (PPPLU) realiza enkontru Project Steering Committee (PSC) hodi selebra tinan 3 asinatura implementasaun Portu Tibar. Enkontru ne’e realiza iha Portu Tibar loron 3 Junu 2019 no hetan prezensa hosi Ministra Finansas en Ezersisiu, Sara Lobo Brites, Ministru Obras Publikas Salvador Pires no Ministru Transporte e Komunikasaun, José Agustinho da Silva.

“Projetu ida ne’e ho modalidade Public-Private Partnership (PPP) ho montante ida bo’ot primeira ves iha ita nian rai no ida ne’e bele loketan no atrai investimentu seluk bainhira hetan susesu” informa Ministra Finansas En Ezersisiu Sara Lobo Brites.
Projetu Tibar ofisialmente lansa iha loron 30 Agostu 2018 ne’ebe involve Ministério no institusoens estadu relevantes balun hanesan Ministériu Obras Publika, Ministériu Trasporte e Komunikasaun, Sekertariu Estadu Meiu Ambiente no ANPM.

“Konstrusaun servisu ba Portu Tibar akontese iha faze rua hanesan foti raihenek no fatuk hosi rai okos depois reklama fali mai leten inklui mos foti fatuk hosi foho sira hodi halo reklamasaun. Wainhira finaliza tiha reklamasaun foin mak bele halo konstrusaun” hateten Chairman Timor Port Rafael Ribeiro
Faze reklamasaun halao tiha ona besik fulan rua hodi bele deteta material hirak ne’ebé maka bele uza inklui mos oinsa atu distribui material sira ne’ebé la nesasariu atu uza hodi lori ba fatin ne’ebé indika tiha ona.
“Ami koko atu tuir tempu ne’ebé maka iha, maibé presiza parte hotu-hotu para bele atinzi tuir tempu ne’ebé maka indika ona”, relata Vise Ministra Finansas Sara Lobo Brites durante enkontru Project Steering Committee