• Semana Ne’e MF Sei Aprezenta DOT Ba KM

Home » Anúnsiu » Semana Ne’e MF Sei Aprezenta DOT Ba KM Imprime pájina

Semana Ne’e MF Sei Aprezenta DOT Ba KM

Parlametu Nasionál, 06 Janeiru 2020- Ministra Finansas i Atual Vise Ministra Finansas Sara Lobo Brites hateten Dotasaun Orsamentu Temporaria (DOT) ka Duodésimu semana ne’e sei aprezenta ba Konsellu Ministru, para konsellu ministru bele halo desizaun no ita distribui ba instituisaun estadu hotu-hotu.

“Hau labele dehan lai nia montante tanba sei aprezenta ba konsellu ministru para diskuti uluk. Karik hakarak koloka hotu kedas kategoria 5 ne’e ka kategoria balun ita la konsidera. Ida-ne’e depende ba desizaun konsellu ministru”. Informa Ministra Finansa i Atual Vise Ministra Finansas Sara Lobo Brites.

Mais ne’e ami sei aprezenta lai proposta ba iha enkontru konsellu ministru kuarta feira semana ne’e.

Ministra mós reforsa tan katak, oiviamente esperiénsia iha tinan kotuk kategória sira ne’ebé maka ita konsidera iha rezime duodésimu mak Saláriu Vensimentus, Beins Servisus, Transferensia Públikas, no Kapital Dezenvolvimentu. Kapital Minor ita esklui tanba ne’e kompras beins ne’ebé maka tenki hein too orsamentu definitivu ou orsamentu aprova.

Hatan ba previzaun utilizasaun DOT nian, Ministra Finansas i Atual Vise Ministra Finansas Sara Lobo Brites, hateten ida-ne’e depende ba dinámika diskusaun orsamentu 2020 nian. Tanba plenária deit ho espesialidade audensias lori tiha fulan tomak. Depois senu kazu ita submete ba iha S.E Prezidenti Repúblika iha inisiu de Fevereiru Prezidenti Repúblika mós iha fulan ida tuir lei para atu halo análiza, entaun ita bele hare’e too Marsu ou Abril.

“Tanba depois Prezidenti Promulga mós ita tenki halo instalasaun ba sistema no halo nia preparativus dekretu ezekusuan no buat sira ne’e hotu bele lori tan tempu oituan maizomenus Marsu ou Abril”.

Lei hateten katak, kuandu orsamentu seidauk tama iha emvigor entaun lei fó dalan atu utiliza rezime duodésimu. Entaun rezime duodésimu ne’e defini hosi orsamentu tinan 2019.