• Sensus Agríkola Importante Tebes ba Governu Timor-Leste no Entidades Tomak

Home » Anúnsiu » Sensus Agríkola Importante Tebes ba Governu Timor-Leste no Entidades Tomak Imprime pájina

Sensus Agríkola Importante Tebes ba Governu Timor-Leste no Entidades Tomak

Ministériu Finansas (MF) liuhusi Diresaun Jerál Estatisitika (DJE) servisu hamutuk ho Ministériu Agrikultura no Peskas (MAP) hala’o lansamentu ba rezultadu sensus agrikola tinan 2019 ne’ebé importante tebes ba Governu Timor-Leste no entidade tomak.

Tuir Vice-Ministra no Ministra Finansas Interina Sara Lobo Brites hateten, Sensus agríkola importante teb-tebes ba Timor-Leste. Tambá fó dalan ba Governu no entidades sira hotu atu hatene dadus lolós kona-bá estrutura kada uma-kain agricultor sira nian, dezenvolvimentu rural no padraun moris agrikultores iha áreas rurais. Dezenvolvimentu setór agrikultura ne’ebé nu’udar setór prinsipál ida ba dezenvolvimentu ekonómiku iha Timor-Leste no hadia politíka no planeamentu ba dezenvolvimentu agrikultura bazeia dadus no informasaun atualizada hodi bele hasa’e produsaun agríkola, pekuária no peskas.

“Dezenvolve setór agrikultura hodi kontribui ba dezenvolvimentu rural, diversifikasaun ekonómika, kriasaun kampu servisu liu-liu iha áreas rurais, hasa’e rendimentu agrikultores, no sei kontribui ba hamenus kiak iha Timor-Leste”, informa Vice-Ministra no Ministra Finansas Interina Sara Lobo Brites banhira hato’o nia diskursu iha ambitu lansamentu Rezultadu Sensus Agríkola 20219 iha auditorium Ministériu Finansas iha loron 10 fulan Novembru 2020.

Governante ne’e esplika, resultadu prinsipais husi sensu agríkola 2019 hatudu katak, 66 pursentu uma-kain maka agrikultor ka uma-kain hamutuk 141,141 husi totál uma-kain 213,417. Ida ne’e signifika katak, setór agrikultura importante teb-tebes iha prosesu dezenvolvimentu Timor-Leste nian, tambá maioria uma-kain sei depende ba setór ida ne’e. Area ne’ebe kuda husi uma-kain maka 216,180 hektares no husi Instituisaun maka 3,070 hektares. Informasaun ida nee importante atu hatene kona-ba utilizasaun rai ba produsaun agríkola.

“15 pursentu uma-kain agrikultor lidera husi feto no 85 pursentu uma-kain agrikultor lidera husi mane. Informasaun ne’e importante katak dezenvolvimentu agrikultura tenke konsidera mós ezistensia no partisipasaun feto iha setor ida nee”, dehan Governante.

Vice-Ministra no Ministra Finansas Interina Sara Lobo Britesreforsa tan katak, 60 pursentu uma-kain maka envolve iha atividades peskas no husi totál ida ne’e, 25 pursentu la iha ró. Dadus ida ne’e hatudu katak maske Timor-Leste iha potensia boot ba sub-setór peskas, maibé partisipasaun uma-kain iha sub-setor ne’e sei minimu no sei ho pratika peska tradisionál. Iha sorin seluk 28.2 pursentu uma-kain kain agrikultor maka la eskola, 27.6 pursentu iha nível edukasaun primaria, 13.5 pursentu ho nível edukasaun pre-sekundaria, 15.8% ho nível edukasaun sekundaria, 2.2 pursentu ho nível edukasaun diploma, no 3.9 pursentu deit maka ho nível edukasuan lisensiatura.

Informasaun ida nee importante atu define planu no estratéjia ba programa estensaun no mekanizasaun hodi hása’e produtividade iha setor agrikultura”

Governu kontinua kompremetidu atu promove politíka bazeia ba evidensia, nune’e dadus husi sensu agríkola ne’e sei komplementa dadus sensu uma-kain foun ne’ebé sei realiaza iha 2021 no dadus husi “Timor-Leste Survey of Living Standard (TLSLS) ne’ebé sei kolekta iha tinan 2022. Dadus hirak ne’e sei permite ita hatene lolos komponente sira iha ita nia kamada sosiál atu halo analize no hatene buat barak, inklui kona-ba agrikultura, demografia no padraun moris povu nian.

Iha sorin seluk tuir Dirtór Jerál Estatisitika (DJE) Elias dos Santos Ferreira reforsa tan rejultadu hatudu mai ita katak, sensu agrikola ne’e importante dadus ne’ebé maka ita koleta ba uma kain hotu-hotu iha Timor-laran tomak, iha sensu populasaun uma kain mós 80 ital pursentu ita dehan agrikultor. Maib’e ita iha rekezitus ne’ebé ita tenki halo tuir ema ida atu sai agrikultor nia tenki iha rai hektares 0.02 hektares, animal bo’o karau ka kuda mais o menus iha 2, animal ki’ik bibi no fahi minimu iha 3 no manu minimu 10.

“Se nia animal manu iha de’it 3 no nia labele sai agrikultor, ho rekizitus ne’e maka gia ita para hatene lolos ita nia agrikultór hira iha Timor-Leste”.

Diretór mós reforsa ita nia kresimentu populasaun 1.9 pursentu no uluk ita iha 2.4 pursentu bainhira ita halo sensu uma kain 2010, maibé ita halo sensus uma kain 2015 ita tu’un ba 1.1 pursentu. Ida ne’e hatudu rezultadu diak kresimentu pupulasaun ita lalais maibé ita hatun, depois ita haree fertilidade 2003 iha 7.5 depois nia tun ba 5.7 depois iha sensus 2015 ita nia fertilidade tu’un ba 4.2 ida ne’e hatudu katak diak. REMATA