• Sentru Kapasitasaun Jestaun Finansas Públikas (SKJFP) realiza Indusaun Jeral ba Ofisiais JFP relasiona ho Jestaun Treinamentu iha area JFP

Home » Announcements » Sentru Kapasitasaun Jestaun Finansas Públikas (SKJFP) realiza Indusaun Jeral ba Ofisiais JFP relasiona ho Jestaun Treinamentu iha area JFP Print Page

Sentru Kapasitasaun Jestaun Finansas Públikas (SKJFP) realiza Indusaun Jeral ba Ofisiais JFP relasiona ho Jestaun Treinamentu iha area JFP

jfp

Centro Convencões Dili (CCD), 14-15 Marsu 2017, Ministériu Finansa liu husi Sentru Kapasitasaun Jestaun Finansas Públikas (SKJFP) realiza indusaun kona ba treinamentu iha area Jestaun Finansas Públikas ba ofisiais JFP husi orgaun no instituisaun estadu hotu husi nivel nasional no munisipius.

Ministra Finansa, Sra. Santina JRF. Viegas Cardoso hatete, “Ohin hanesan passu ida tan ba oin depois rezultadu husi teste diagnóstiku demonstra katak JFP nesesita liu-tan kapasitasaun kontinua ba ofisiais JFP tomak iha Timor-Leste no Ministériu Finansa dezenvolve ona kuríkulu treinamentu nian iha area JFP sira atu oinsa responde ba nesesidade formasaun no eleva koñesimentu ofisiais sira nian liu-liu iha area Jestaun Finansas Públikas.”

Funsiunariu ne’ebe rejistu iha SKJFP atu tuir teste diagnostiku iha tinan 2015-2016 mak hamutuk 2600, no husi ne’e iha 1923 mak konsege tuir teste: 1390 husi governu central hanesan Diretor Geral, Diretor Nasional, Diretor Orsamentu, konjuntamentu no sira ne’ebe mak liga ba Tezouro no mos Patrimóniu Estadu. Husi total ne’e mos iha 533 ofisiais maka mai husi munisipiu, haktuir Ministra iha loron dahuluk treinamentu indusaun ne’e.

Ministra konklui katak, “Ohin ita bo’ot sira bele partisipa indusaun ba oinsa implementasaun treinamentu kursu ba Jestaun Finansas Públikas nian liu-liu ba kuríkulu ne’ebe dezenvolve tiha ona nune’e ita bele atinji duni meta Planu Dezenvolvimentu Estratejiku 2030 ne’ebe ho objetivu prinsipal ida atu Timor-Leste iha sistema Jestaun Finansas Públika ne’ebe mais efisiente, efikas no mos transparente iha estadu tomak.”

Iha indusaun ne’e mos, Kordenador Sentru Kapasitasaun Dezemvolvimentu Jestaun Finansas Públikas (SKJFP), Sr. Alberto Alves Piedade dehan katak, “Ita sei foka liu treinamentu ba profesionais sira nebe oras ne’e dadaun halao servisu iha area Jestaun Finansas Públika. Iha stratejia 5 ne’ebe mak liga ba malu mak hanesan Padraun Kompetensia, Teste Diagnostiku, Treinamentu, Sertifikasaun no Introdusaun ba Rejime Kareira Espesial ba area JFP. Area krítika balun iha area Jestaun Finansas Públikas nebe sei sai hanesan prioridade primeiru ba treinamentu tinan 2017 maka Numerasia, Orsamentu, Aprovizionamentu no Pagamentu.”

Iha loron daruak, Vice Ministru Finansa, Sr. Helder Lopes hatete, “Ministériu Finansa halo sesaun loron rua ba sesaun indusaun sobre formasaun ne’ebe mak halo ba ofisiais hirak ne’ebe servisu iha area Jestaun Finansas Públika ho objetivu atu hetan informasaun sobre planu ne’ebe MF iha, kona ba fornesimentu formasaun hodi bele transforma ofisiais sira atu sai hanesan profesionais iha area Jestaun Finansas Publikas liu husi mekanismu sertifikasaun depois de treinamentu.”

Sr. Helder mos esplika katak oras ne’e dadaun MF trasa hela planu ba longu prazu hodi prepara esbosu dekreitu lei ba Rejime Kareira Espesial ba profesionais JFP sira hodi bele valoriza servisu profesionalismu iha area Jestaun Finansas Publikas ninian.