• Seremonia Icar Bandeira

Home » Documents and Forms » Seremonia Icar Bandeira Print Page

Seremonia Icar Bandeira

Torre Ministériu Finansas, Aitarak Laran, 8 Maiu 2017, funsiunariu Ministériu Finansas hala’o aktividade rutina cerimonia icar Bandeira ne’ebe mak toma responsabilidade husi Diresaun Nasional Kontabilidade Regulasaun Finanseiru – Diresaun Jeral Tezouru no sai hanesan mestre ba serimonia ne’e mak SE.Sr. Helder Lopes, Vice Ministru Finansa.

Iha ceremonia ne’e, SE. Vice Ministru hato’o parabens ba Diresaun Jeral Tezouru, Unidade Rekursu Humanus no mos ekipa ne’ebe organiza icar bendeira ba loron ne’e no apresia ba funsiunariu sira hotu tamba pela primeira vez funsiunariu hotu-hotu fo sira nia partisipasaun ba seremonia ne’e iha edifísiu foun maibe ho esperansa katak partisipasaun ida ne’e sei kontinua nafatin iha futuru.

Vice Ministru mos apresia funsiunariu Ministériu Finansas nia kontribuisaun no dezempeñu servisu, mesmu funsiunariu Ministériu Finansas la tun direita ba povu nia let hodi presta servisu ba povu maibe papel no kna’ar sira nian importante tebes ba institusoens estadu tomak.

Governante ne’e realsa katak, agora daudaun unidade no gabinete sira hotu ne’ebe iha edisfísiu Ministériu Finansas tuan hahu muda ba servisu iha edifisiu foun, Aitarak Laran. Edifísiu tuan sei utiliza husi Diresaun Jeral Impostu no Alfândegas no mos Ministériu Planeamentu, Investimentu Estratégiku.

Vice Ministru mos husu ba funsiunariu sira hodi ajuda divulga ba públiku konaba utilizasaun edifísiu foun Ministériu Finansas ne’ebe agora hahu utiliza hanesan investimentu ne’ebe halo ho osan públiku ka osan povu hodi prevene ou minimiza apresiasaun negativu husi públiku.

Sr. Helder mos informa konaba salariu ne’ebe koa 4% iha fulan Abril liu ba. Kalkulasaun sobre salariu ne’ebe koa 4% tamba iha lei siguransa social ne’ebe hateten katak kada trabailador, laos funsiunariu públiku deit maibe kada trabailador ida-idak iha Timor-Leste, sei koa sira nia salariu 4% nudar kontribuisaun ba regime kontributivu ba nia pensaun aban bainrua nian bainhira tama iha tempu reforma, kontribuisaun hirak ne’e sei sustenta moris ba trabailador ne’e rasik.

Lei pensaun Regime Kontributivu aprova ona iha Parlamentu Nacional (PN) maibe tamba regulamentu liu-liu dekretu lei seidauk iha hodi implementa regime kontributivu ida ne’e, ho nune’e salariu ne’ebe koa iha Fulan Abril sei fo fila fali iha fulan Maiu no fulan Juñu, salariu sei mantein hanesan bain-bain ne’ebe mak funsiunariu sira simu.

Aproveita tempu ida ne’e, Vice Ministru mos informa ba funsiunariu tomak konaba preparasaun lei regime espesial ba funsionariu Ministériu Finansas iha ona, maibe liu husi mekanismu prova katak ita bo’ot sira merese duni atu hetan regime espesial Ministériu Finansas nian. Nune’e mos ba funsiunariu ne’ebe mak servisu iha area Alfândega no Impostu mos sei hetan regime espesial maibe tenki liu husi teste no mos sei halo ba funsiunariu lubuk ida para apoiu Diresaun Jeral hodi nune’e sira bele hala’o servisu tuir lei no planu ne’ebe iha.

Document: Download:
Seremonia Icar Bandeira English |  Portuguese |  Tetum |  Indonesian