• Serimonia Içar Bandéira

Home » Anúnsiu » Serimonia Içar Bandéira Imprime pájina

Serimonia Içar Bandéira

Torre Ministériu Finansas, 05 Juñu 2017, funsiunariu hotu husi Ministériu Finansas hala’o seremonia içar bandeira ne’ebe ho responsavel ba seremonia ne’e mak Diresaun Geral Tezouru nia Diresaun Nasional Pagamentu, Gabinete Ministerial no Gabinete de Auditoria Interna.

Nu’udár mestri ba serimonia ne’e, Jose Alexandre de Carvalho, Xefe Gabinete de Auditoria Interna ne’ebe iha nia diskursu hatete katak jerasaun ida ne’ebé atu prense independensia ida ne’e, nafatin fó ita nia onra ba heroi sira liu husi serimonia içar bandeira sira hanesan ne’e atu nune’e bele dignifika ita nia nasaun ba bei-beik. Hanesan funsionáriu publiku tenki kumpri dever sira ne’ebé funsaun públika introduz mai ita, tanba oportunidade atu kontribui ba nasaun liu husi funsinalizmu públiku ne’e ema oituan tebes no ita sira ne’e hetan previlizaun hodi halao knar ne’e, tanba ne’e tenki utiliza oportunidade hotu iha kna’ar lor-loron nian no kumpri dever sira ne’ebe hatur iha estatuta funsaun públiku nian atu nune’e bele sai funsiunariu ida ne’ebé kompetente no professional iha Ministériu Finansas.

Xefe Gabinete ne’e hatutan, tanba ne’e agora daudaun ministériu dezenvolve hela dekretu lei ida konaba profisaun jestaun finansa públiku ka lei rejime espesiál de kareira. Atu asesu ba profisaun sira ne’e, la’os ba ema hotu maibé liu husi kompetisaun ida ne’ebé bazéia ba meritu duni. Oportunidade hahu tiha ona, hanesan liu husi Sentru Kapasitasaun Jestaun Públiku orgániza dadaun formasaun ka treinamentu barak atu eleva kapasidade funsiunariu hodi antisipa ka prontu atu kompete bainhira kompetisaun ne’e ofisializa. Funsiunariu sira hotu-hotu iha oportunidade para atu kompete hodi bele aprovéita rejime ne’ebé ministeriu fó mai ita.

Wainhira remata, nia mos subliña ba funsiunariu hotu katak ita nia nasaun agora tama iha periode ida atu hili ita nia reprejentante liu husi eleisaun legislativa ne’ebe tuir kalendariu estadu nian sei monu iha loron 22 Julhu 2017. Hanesan sidadaun ita iha direitu atu partisipa iha kampaña eleitoral maibe hanesan funsiunariu públiku iha regras no prosedimentu atu ita la’o tuir karik ita hakarak atu partisipa iha kampaña. Ne’e duni halo tuir regras no prosedimentu ne’ebe hatur iha estutu funsaun publiku nain atu nune’e labele kria situasaun ne’ebé la diak ba ita nia a’an rasik no mós ba institusaun Ministériu Finansas.

Enkuantu iha sorin seluk nia subliña katak patrimonio estadu ne’ebe ita utiliza tamba ita nia funsaun no pozisaun mak atribui mai ita hodi hetan ekipamentus sira ne’e, tenki utiliza tuir dalan liu-liu iha tentative barak ne’ebe sei mosu iha kampaña eleitoral ne’ebe halo ita bele la kumpri tuir regras utilizasaun patrimonio estadu hodi labele fo fali impresaun ba públiku atu julga ita uza patrimoniu estadu la la’o tuir nian dalan.

Seremonia içar bandeira ne’e lao ho diak no hetan partisipasaun másimu husi funsiunariu hotu iha unidade trabalhu hotu, Ministériu Finansas nian.