• Servisus Korporativu realisa Refresh Trainining Gratuita ba Funsionário Sira

Home » Anúnsiu » Servisus Korporativu realisa Refresh Trainining Gratuita ba Funsionário Sira Imprime pájina

Servisus Korporativu realisa Refresh Trainining Gratuita ba Funsionário Sira

Diresaun Jerál ba Servisu Korporativu (DJSC) SERVISU HAMUTUK HO PT-Target Digital Solusindo (TDS) HUSI INDONESIA, realiza refresh training gratuita loron IDA ba funsionáriu Ministériu Planu no Finansas (MPF) iha salaun auditorium Xanana Gusmão, 23 Marsu 2018.

Refresh Training nu’udar prosesu ida atu fó lembra hikas ba funsionárius hotu kona-ba konhesimentu hirak ne’ebe durante ne’e halao ona iha servisu lor loron bazeia ba mekanismu ne’ebe mak estabelese.

Diretóra Interina DJSC Evangelina Guterres durante realizasaun treinamenetu rekunhese katak, refresh training importante tebes ba funsionáriu sira hodi bele refresh fila-fali koñesimentu funsionáriu ne’ebé maka uluk tuir ona treinamentu. Ida ne’e bele motiva funsionáriu balun ne’ebé seidauk hetan treinamentu

“Treinamentu ida ne’e oferese gratuita ba imi, tempu ida ohin hanesan osan mean no aproveita didiak oportunidade ne’e atu bele iha ninia benifisiu ba futuru” tenik Diretóra Interina Evangelina Guterres.

Iha sorin seluk, Diretór PT-Target Digital Solusindo (TDS) Usep Saepullho relata katak treinamentu ne’e atu evalua funsionáriu Ministériu Planu no Finansas sira ne’ebé uluk tuir ona treinamentu hosi TDS hahu iha tinan 2015 to 2016.

“Funsionáriu iha ministériu ida ne’e nia partisipasaun masimu tebes, ida ne’e hanesan parte pozitivu ida ba ekipa TDS no esprera ba oin bele hadia diak liutan kualidade atendimentu relasiona ho treinamentu” informa Usep Saepullho.

PT-Target Digital Solusindo nu’udar kompañia independente ne’ebé estabelese treinamentu iha area oi-oin atu bele fasilita institusaun governu no sosiedade sivil ho kualidade ne’ebe fornese hosi treinadór professionál sira.