• Sevisu Ho Ekipa Atu Servi Estadu no Povu

Home » Announcements » Sevisu Ho Ekipa Atu Servi Estadu no Povu Print Page

Sevisu Ho Ekipa Atu Servi Estadu no Povu

20200604_Sevisu Ho Ekipa Atu Servi Estadu no Povu - Editado por DGuterres

Ministériu Finansas realiza enkontru Conselho Consultativo Ministério das Finansas (Sigla Portugués CCMF) ho objetivu atu bele introdus ekipa servisu Ministériu Finansas nomós partilha servisu balun ministériu nian ba Ministru Finansas, Fernando Hanjam.

Tuir Ministru Finansas Fernando Hanjam hateten, servisu ho ekipa atu servi estadu no servi povu ida ne’e importante tebe tebes.

“Iha loron hirak liu ba há’u ko’alia tiha ona, ita servisu tenki onestu, imparsiál, konsiensia no profesionalismu. Maibé susar liu atu hala’o. Ita hotu-hotu hatene saida maka profesionalismu? Há’u lalika esplika tan, tanba iha ne’e mesak Diretór Jerál no Diretór Nasionais de’it. Ita hatene ona sá ida maka konsiensia no profesionalismu ne’e; Ha’u la-presiza esplika tan, maibé tenki aplika iha ita nia servisu tanba ida ne’e susar la halimar”, informa Ministru Finansas Fernando Hanjam iha Auditóriu Xanana Gusmão, Ministériu Finansas bainhira hala’o primeiru enkontru ho estrutura Ministériu Finansas iha loron 04 Fulan-Junho 2020.

“Tanba ita ida-idak ho karáter no atitude la-hanesan, mais sá idamaka halo ita unidade maka ita nia servisu sira. Kuandu ita servisu ho profesionál no konsiensia Sense of Belonging tenki hadomi ita servisu tanba servisu ne’e ha’u nian”, dehan Ministru Finansas.

Hanesan to’os karik ida ne’e ha’u nia to’os no loro loron há’u tenki ba haré du’ut moris karik. Ida ne’e importante maibé dalaruma atu aplika ne’e susar la halimar.

Ministru mósreforsa tan, programa sira ne’ebé ita atu trasa iha tempu badak maka liu-liu aselera pagamentu ba Covid-19 sira. I há’u agradese tebe tebes tanba subsidiu 100 ba uma kain ne’e transfere ona ba banku sira i servisu nafatin ho ministériu sira ligadu ho Covid-19 no Dezastres Naturais. Servisu importante ida fali maka preparasaun orsamentu Jerál Estadu 2020 no 2021 nian rua ne’e dala-ida. Tuir mai liga mós ho alterasaun dekretu lei VIII governunian. Tanba aprovizionamentu mós integra ona mai Ministériu Finansas, entaun ita presiza haré fali buat sira ne’e hotu i no fim ita bele ajusta.

“Mai ita hotu-hotu servisu para no fim ita ho objetivu ida de’it, hanesan prinsipál objetivu maka atu servisu ba nasaun no servi povu tenki servisu ho diak”, dehan Ministru das Finansas.

Governante ne’e mós esplika, mai ita hotu-hotu hamutuk hanoin ida de’it, néon ida de’it, laran ida de’it, hahalok ida de’it para no fim ita bele lori Ministériu Finansas to’o rohan. Sela’o ita nia kareira ne’e mandeg ka stagnan de’it. Tanba ita nia hahalok la di’ak, kuandu imi servisu hatudu imi nia profesionálimu diak ezemplu hanesan ita nia Vise la espera nia to ohin loron nia sai Vise-Ministra Finansas.

“Ha’u atu kolia de’it buat hotu-hotu ita tenki agradese liafuan agradesimentu ne’e susar lahalimar ita atu dehan liu husi ita nia komportamentu”.
“Agradesimentu susar la halimar ita atu dehan, ita tenki agradese ba buat sá ida maka ita iha i respeitu há’u nian no ninian. Kuandu ita servisu fó agradese ba buat sira ne’ebé ita iha entaun ita tenki kuidadu buat sira ne’e hotu”, informa Ministru Finansas.

Iha sorin seluk Vice-Ministra Finansas Sara Lobo Brites reforsa tan, ita nia ekipa ida iha Ministériu Finansas ne’ebé forte tebe tebes durante tinan rua nialaran. Embora há’u mesak normalmente assume pasta rua hanesan Vise no Ministra Finansas interina maibé forsa ne’e mai husi ekipa no sira halo sira nia kna’ar ho profesionálismu duni imparsiál no forte. Entre diresaun jerál sira halo kompetisaun makas la’os ida negativu nian maibé kompetisaun ida pozitivu no ida idak hadau malu hakarak hatudu nia rezultadu servisu.

Entaun iha tinan rua nia laran bele há’u mesak maibé Ministériu Finansas hala’o duni nia kna’ar ba atividade ho velosidade tuir estrutura ida ne’ebé kompletu. Ha’u orgulhu tebes ho ekipa ne’ebé maka iha i sira servisu forti tebes no há’u agradese. Tanba Ministru mós iha pontu de vista ida hanesan.

“Servisu iha Ministériu ne’e hanesan Ministériu ida fuan ba estadu, entaun ita hotu-hotu labele haré ba koor no bandeira, maibé ita servisu hanesan tékniku. Tau forsa hamutuk, unidus ne’e importante para ita bele lori progresu ba Ministériu Finansas rasik” esplika Vice-Ministra Finansas Sara Lobo Brites.

Vice-Ministra Finansas mós reforsa, liafaun kamanek ne’ebé Ministru hato’o uainhira tama mai iha odomatan Ministériu Finansas nain. Ami agradese tebes tanba ida ne’e maka espíritu ne’ebé maka iha duni durante tinan rua nia laran. Prova duni katak, so ita unidus tau liman hamutuk tau forsa maka Minsitériu Finansas ne’e konsege ultrapasa situasaun oin-oin.