• SORUMUTU KONSELLU KONSULTATIVU MINISTÉRIU PLANU NO FINANSAS.

Home » Announcements » SORUMUTU KONSELLU KONSULTATIVU MINISTÉRIU PLANU NO FINANSAS. Print Page

SORUMUTU KONSELLU KONSULTATIVU MINISTÉRIU PLANU NO FINANSAS.

20180313_Sorumutu KKMPF 09 Marsu 18

Atu asegura komunikasaun no informasaun entre superior no jestores sira iha Ministériu Planu no Finansas (MPF), kada semana rua MPF hala’o enkontru Konsellu Konsultativu Ministériu Planu no Finansas (KKMPF).

Objetivu husi KKMPF ne’e rasik mak kada Unidade de Traballu ne’ebe hakna’ar-an iha MPF nia okos hato’o progresu, planu no dezafius servisu ne’ebé mak hala’o tiha ona nomós desizaun no aprovasaun ba atividade ruma iha Konsellu Ministru.

Enkontru KKMPF iha loron 9 Marsu 2018 nian lidera husi Vice Ministra Planu no Finansas, Sara Lobo Brites. Iha enkontru ne’e, Vice-Ministra hateten katak enkontru KKMPF ida ne’e ba dala 3 mesmu pauza tiha ba fulan 4 nian laran. Embora laiha enkontru KKMPF, maibé Diretór Jerál sira hotu-hotu asegura hela servisu ne’ebé lao diak. Tan ne’e Vice-Ministra apresia nafatin Diretór Jerál sira nia servisu.

Tuir mai vice atualiza informasoens no desizoens ne’ebé foti iha Konsellu Ministru nomós desizaun balun ne’ebé MPF karik desidi atu hala’o. Iha Konsellu Ministru iha aprovasaun ba Dekretu Lei ida kona-ba Regime Kareira, maibé tamba vice la partisipa iha enkontru Konsellu Ministru ne’e ho nune’e seidauk hetan nia dadus maibé karik interresadu atu hare, tamba parte ida husi regime Funsaun Públika nian, ne’ebe bele rekore ba iha Portal Governu nian. Husu ba Rekursu Humanus para atu bele hetan informasaun no esplikasaun didiak tamba karik iha implementasaun ne’ebé afeta be regime kareira dirigente sira nian.

Iha mós atividade balun, ne’ebe iha tempu badak sei akontese mak Public Expenditure and Financial Accountability (PEFA) assessment, ne’ebé mak sei koordena husi Diresaun Nasionál Polítikas Ekonomikas. Atividade ne’e rasik sei afeta mós ba Diretór Jerál sira nia servisu ne’ebé relevante ho Jestaun Finanseira nian.

Vice-Ministra mós hatutan katak, Ministru no Vice rasik hala’o mós enkontru ho Komisaun Funsaun Públika ne’ebé partisipa husi Diresaun Jerál Tezouro no Unidade de Sistema Integradu de Informasaun de Jestaun Finanseira (USIIJF/ IFMISU) ne’ebé iha mós prioridade atu aselera prosesa interface ho sistema payroll hodi minimiza kestoens sira ne’ebé mak atrazu iha pagamentu saláriu ne’ebé mak nia dadus sei atraza husi ministériu sira nomós husi Komisaun Funsaun Públika rasik.

Kestoens seluk mak kona-ba regime kontributivu, lei preparadu tinan kotuk maibé la konsege implementa. Iha tinan kotuk Konsellu Ministru desidi subsidia deit persentagen ne’ebé mak tuir lolos funsionariu ida-idak tenki kontribui 4% nomós ida hosi impregador nia kontribuisaun, entaun Konsellu Ministru desidi governu mak selu 10 % ba iha Seguransa Sosial nia konta.

Antes remata Vice-Ministra fo oportunidade ba Diretór Jerál, Xefe Gabinete no Unidade sira hodi hato’o relatoriu kona-ba progresu no difikuldade ne’ebé mak sira infrenta durante fulan hirak nia laran.