• Sorumutu Téknikal g7+ kona-ba Planu de Asaun no Implementasaun ‘New Deal’ iha 2012

Home » Anúnsiu » Sorumutu Téknikal g7+ kona-ba Planu de Asaun no Implementasaun ‘New Deal’ iha 2012 Imprime pájina

Sorumutu Téknikal g7+ kona-ba Planu de Asaun no Implementasaun ‘New Deal’ iha 2012

g7DSC01351

Timor-Leste nudar lider ba nasaun frájil ne’ebe hamahun an iha g7+, hola inisiativa ida hodi halibur membru g7+ husi nasaun 19 iha sorumutu ida ho tema ’ Forward Looking Planning Session’ ne’ebe realiza iha loron 25 Janeiru to’o ba iha loron 28 Janeiro 2012, hola fatin iha Ministeriu das Finansas.

Objetivu Sorumutu ida ne’e hodi diskuti kona-ba planu dezenvolvimentu operasional  “New Deal” iha 2012, particularmente oinsa atu konsolida servisu g7+ nian kona-ba Objetivu Harí Pás no Harí Estadu,  dezenvolve indikadores no estratejia hodi lori PSGs (Peace Building and State Building Goals) ba iha Assembleia Jeral ONU nian ba dala 67 ne’ebe sei halao iha Nova Yorke iha  fulan Setembru 2012, hodi adopta “New Deal” ne’e hanesan rezolusaun ida. Ho nune’e nasaun g7+ sira bele alkansa objetivu Dezenvolvimentu Milenium ka MDGs (Millennium Development Goals).

Liu husi sorumutu ida ne’e, grupu g7+ sei forma grupu trabalhu rua hodi haré ba sosializasaun ba komunidadi internasionál no substansia kona-ba definisaun Spektrum Frajilidadi no implementasaun akordu ‘New Deal’ ba paízes g7+ (Pilot Countries) hanesan Timor-Leste, Liberia, DRC, Guinee-Bissau, Sudan do Sul, Afganistan, ho sira nia parseirus Internasionál.

Rezultadu husi sorumutu ida ne’e sei hanesan Giaun ka planu servisu (work plan) ida hodi monitoriza no implementa New Deal iha tinan 2012.

Sorumutu ida ne’e fasilita husi Sekretariadu g7+ iha Timor-Leste no hetan partisipasaun másimu husi reprezentante  g7+ husi nasaun nain Sanulu, mak  hanesan Liberia, Sierra Leonne, Afghanistan, Solomon Islands, CAR (Central African Republic), DRC (Democratic Republic of Congo), South Sudan, Guinee Bissau, Chad no  Somalia.  Marka presensa mos representante husi Banco Mundial, ODI no OECD.