• Sosializasaun DOT iha Gabineti Presidente Repúblika

Home » Announcements » Sosializasaun DOT iha Gabineti Presidente Repúblika Print Page

Sosializasaun DOT iha Gabineti Presidente Repúblika

Ekipa tékniku Diresaun Jerál Finansas Estadu, Ministériu Planu no Finansas hala’o sosializasaun kona-ba prosedimentu relasiona ho alokasaun orsamentu Dotasaun Osamentu Temporariu (DOT) ka Duodésimal nian ba ekipa tékniku Gabineti Prisidente Repúblika, iha salaun enkontru edifísiu Palasiu Presidente, Aitarak Laran, loron 16 Marsu 2018.

Tuir Diretór Jerál Finansas Estadu, Januario da Gama hateten, liuhosi sorumutu ida ne’e atu bele esklarese kona-ba prosedimentu no regras ne’ebé relativa ho alokasaun ezekusaun Dotasaun Orsamentu Temporariu (DOT) ka bai-bain bolu duodésimál.

Natureza orsamentu karatér hosi aplikasaun orsamentu temporariu nian hanesan ita hotu hatene ita nia lei orsamentu no jestaun finanseiru determina katak, bainhira iha estrutura foun mosu governu foun mosu tanba pedidu adisionál hosi governu hosi ezekutivu normalmente hamosu orsamentu retifikativu. Maibé orsamentu retifikativu iha tinan kotuk ita la konsege halo tanba ne’e, ita tama ba periodu tinan 2018 baze de kalkulasaun ne’ebé ita utiliza hodi aplika dotasaun orsamentu temporariu ne’e hola referensia ba iha orsamentu orijinál 2017 nian. Singnifika dotasaun orsamentál própriu mai ho kategoria fluktu iha orsamentu aprovadu 2017 ho estrutura tomak ne’ebé hola referensia ba estrutura antigu iha aneksu 2 orsamentu aprova iha 2017 nian.

“Tanba ho baze ida ne’e halo kalkulasaun ½ (Um Dozeavos) hosi orsamentu ano anteriór kada mensál iha periodu de aplikasaun ba orsamentu temporariu nian. Entaun kapasidade ne’ebé maka ita iha por mes hosi tetu agregadu tinan kotuk ita iha kapasidade 106 miloens maka ita halo distribuisaun ba iha ministériu no ba instituisaun, orgaun soberanu sira tuir tetu orsamentu tinan kotuk”, tenik Januario da Gama.

Ho dekretu governu ne’ebé regula kona-ba planu osamentu asaun regulamentu dotasaun orsamentu temporariu, estipula mós esepsaun balun ba iha despezas balun. Artigu 6 dekretu governu espikula katak, tanba ita tenki halo prioritizasaun despesas ba 2018. Hanesan eleisaun antisipada ne’ebé maka iha prosesu preparasaun, pagamentu dívidas saúde iha rai liur, arkizasaun ekipamentus médikus no aimoruk, trasferénsia ba ZEEMS, maibé ita nafatin halimar iha tetu agregadu Dotasaun Orsamentu Temporariu ninian.

Diretór Jerál ne’e mós esplika liutan, depois de rona preokupasaun ida hosi Gabineti Presidenti da Repúblika nian, ami nota ida ne’e hanesan obrigasaun ida ba Ministériu Planu no Finansas tanba Ministériu Planu no Finansas maka iha autoridade no kompetensia para halo jestaun ba finansas públikas. Entaun preokupasaun tékniku mai hosi instituisaun no ministériu sira mandatóriamente ami fó biban tékniku atu resposta, hodi eskalarese situasaun balun ne’ebé ke nesesariamente atu bele hatan ejijensia pedidu hosi ministériu sira.

Gabineti Presidenti Repúblika hanesan orgaun soberania ida ne’ebé ho karatér aútonomia finanseiru no patrimoniál purtantu, prosesu ne’ebé maka ita bo’ot sira halo diriji direitamente ba iha Banku Sentrál. Maibé prosesu ne’e nafatin submete ba iha prosesu no prosedimentu ne’ebé governu sentrál liuhosi Ministériu Planu no Finansas.