• Sosializasaun Rejime Kontributivu Seguransa Sosial

Home » Announcements » Events » Sosializasaun Rejime Kontributivu Seguransa Sosial Print Page

Sosializasaun Rejime Kontributivu Seguransa Sosial

Rejime Kontributivu

Ministru Planu no Finansas, Rui A. Gomes no Ministra Solidaridade no Sosiál, Florentina da Conceição P. M. Smith, hala’o enkontru ho tékniku sira hosi rejime kontribuitivu nian hodi diskuti kona-ba progresu hosi implementasaun rejime kontribuitivu, enkontru ne’e realiza iha salaun Ministériu Solidaridade no Sosiál, iha loron Quarta, 11/10/2017.

Haktuir Ministru Planu no Finansas, Rui A. Gomes katak, ha’u hakarak alerta ba ita bo’ot sira, ida ne’e rejime kontribuisaun no ida ne’e lei hakarak ka lakohi ita tenki implementa lalais. Tanba kuandu hosi parte trabailladór kontribui nia 4%, pezu fiskál ne’e monu iha empregadór 6%. Ida ne’e tuir kálkulu Ministériu Planu no Finansas implika ba orsamentu ratifikativu pelu menus tenki kobre 3 miloens de dolares. Implikasaun fiskál ida ne’e mós afeita ba trabailladór sira ne’ebé kontribui, tanba hakarak ka lakoi sira tenki redus 8% hahu fulan Outubru to Novembru ida de faze atu tama natál no tinan foun nian.

“Rejime kontribuisaun ne’ebé iha ho nia karáter solidaridade ho hanoin ita la’ós tau matan deit ba ita nia an maibé ita tau matan ba sira ne’ebé la produtivu ona”.

Funsionamentu hosi rejime kontribuisaun ida ne’e sei jere hosi instituisaun ida ne’ebé sei hanesan mós ho fundu petrolíferu atu bele iha retornu hodi bele garantia sustentabilidade iha futuru oin mai.

Tuir Ministra Solidadaridade no Sosiál, Florentina da Conceição P. M. Smith hateten, polítikamente ita nia prosesu haí institusaun ne’e la’o hela no hodi bele nomea nia presidente. Ida ne’e ha’u sei hato’o iha enkontru Konsellu Ministru atu nune’e Konsellu Ministru maka iha kompetensia nomeia ka propoin nia prezidente ho membru sira.

Ha’u nafatin husu ba parte tékniku sira hosi instituisaun relevante hanesan Ministériu Planu no Finansas, Ministériu Solidaridade no Sosiál, Komisaun Funsaun Públika atu bele koopera servisu ba malu bele la’o diak liutan.

Partisipa iha enkontru ida ne’e maka parte tékniku sira hosi Ministériu Planu no Finansas ho Ministériu Solidaridade no Sosiál nian.