• Taxa Ezekusaun OJE 2019 Atinzi 84 Pursentu

Home » Anúnsiu » Taxa Ezekusaun OJE 2019 Atinzi 84 Pursentu Imprime pájina

Taxa Ezekusaun OJE 2019 Atinzi 84 Pursentu

20200106_Taxa Ezekusaun OJE 2019 Atinzi 84 Pursentu

Parlamentu Nasionál, Loron 06 Janeiru 2020 – Ministra Finansas i atual Vise Ministra Finansas Sara Lobo Brites hateten taxa ezekusan Orsamentu Jerál Estadu atinzi 84 pursentu. Maibé ida-ne’e sei iha hela faze halo rekonsiliasaun dadus, tantu bele iha mudansa ba nia númeru.

Ita ko’alia kona-ba ezekusaun, ba ita-nia planu entaun Orsamentu Jerál Estadu 2019 iha 1.482, ita ezekuta purvolta 1.240 ital. Entaun sei iha purvolta 200 miloins maka la ezekuta. Maibé ida-ne’e ita ko’alia kona-ba orsamentu entaun to fim do ano kuandu la ezekuta ne’e nia hangus ona, se la gasta sira bolu dehan kaduka iha fim do ano.

“Ezekusaun 84 pursentu ne’e ami hare’e katak ida-ne’e di’ak ona” informa Ministra Finansas i atual Vise Ministra Finansas Sara Lobo Brites.

Ezekusaun to’o de’it 84 pursentu tanba orsamentu promulga iha fulan Fevereiru no ita hahú prosesu ezekusaun iha Marsu. Entaun ita iha fulan 3 maka iha duodésimu nia laran. Iha Primeiru trimestre nia ezekusaun ki’ik maibé depois de orsamentu promulga ita iha fulan 9 hodi ezekuta. Depois prosesu balun ne’ebé maka kompleksu no balun ne’ebé maka atraza ne’e kontribui mós ba iha ezekusaun.