Deklarasaun Rendimentu Impostu Anual

Deklarasaun Rendimentu Impostu Anual

Home » Impostu » Impostu ba Renda » Deklarasaun Rendimentu Impostu Anual Imprime pájina

Impostu ba rendimentu seluk kalkula bainhira ita boot kompleta Formulariu Rendimentu Impostu Anual, ne’ebe fo detalle kona-ba ita nia rendimentu hotu no despeza ruma maka ita bele hasai husi ita nia rendimentu.

Se maka tenki halo aprezenta deklarasaun ida kona-ba Rendimentu Impostu Anual?

Disiplina fiskal ida-idak maka kobre husi rendimentu atividade komersial tenki aprezenta deklarasaun rendimentu impostu anual.

Esepsaun maka karik rendimentu kobre husi impostu retidu final, hanesan bainhira resipiente maka presiza retein impostu mak hanesan individual (inklui empreza individual)

Empregadu individual la aprezenta sira nia deklarasaun impostu, maibe individuo mak iha emprezas presiza halo deklarasaun impostu.

Enkuantu valor final impostu rendimentu ba selu seidauk kalkula apoz tinan fiskal ramata, emprezas privadas sei selu pretasaun impostu rendimentu durante tinan ne’e.

Tinan Fiskal

Tempu ba halo deklarasaun anual maka desde 1 Janeiru to’o 31 Dezembru.

Presu ba Rendimentu Impostu

Ema rezidente natural

Bainhira kontribuinte ne’e ema rezidente natural:

Impostu Rendimentu Anual	Impostu ba rendimentu ida ne’e
$0 – $6,000	0%
Liu $6,000	10%

Ema rezidente natural ida hanesan individual ida ne’ebe:

Hela iha Timor-Leste ba periudu husi, ka periudu total to’o loron atu-sida-ualunulu-resin-tolu (183) in tinan ida nia laran, anaunser ema nia fatin permanente la’os iha Timor-Leste, ka
Funsionariu husi Governu Republika Demokratika Timor-Leste mak hela iha tasi-balu iha kualker momentu durante tinan ida ne’e.

Ema naun-rezidente natural

Bainhira kontribuinte ne’e ema naun-rezidente natural (porezemplu:empreza negosiu individual):

Impostu Rendimentu Anual	Impostu ba rendimentu ida ne’e
Rendimentu impostu Hotu	10%

Ema legal

Bainhira kontribuinte ne’e ema legal (porezemplu: empreza negosiu naun-individual) :

Impostu Rendimentu Anual	Impostu ba rendimentu ida ne’e
Rendimentu impostu Hotu	10%

Ema legal signifika katak:

Kualker sosiedade ho responsabilidade limitadu, parseira jeral, parseria limitada, ka asosiasaun ne’ebe la inkorporadu ka orgaun grupu, ne’ebe ko-orperadu, formadu, organizadu, ka harii iha Timor-Leste ka iha fatin seluk
Kualker trust, propriedade indiviza husi ema matebian natural, ka foundasaun, ka
Governu ida , politikal ida ka subdivizaun administrativu governu ida nian ho sa naran ka forma, ka organizasaun internasional publika, ka kualker entidade, organizasaun, asosiasaun, ka forma negosiu ne’ebe pertense governu, subdivizaun politikal governu nian ka organizasaun internasional publika.

Tinan fiskal anterior nian

Ba tinan entre 1 Janeiru 2002 no 31 Janeiru 2007, taxa impostu hanesan tuir mai:

Bainhira kontribuinte ne’e ema natural (porezemplu:empreza negosiu individual):

Impostu Rendimentu Anual	Impostu ba rendimentu ida ne’e
$0 – $3,368	10% ba $1 ida-idak
$3,369 – $6,737	$336.80 mais 15% Ba $1 ida- idak liu $3,368
>$6,738	$842.15 mais 30% Ba $1 ida-idak liu $6,737

Bainhira kontribuinte ne’e ema legal (porezemplu: empreza negosiu naun-individual):

Impostu Rendimentu Anual	Impostu ba rendimentu ida ne’e
Rendimentu impostu Hotu	30%

Dedusoens

Atu determina renda brutu no dedusaun sei bazeia ba lukru likidu ba fin kontabilidade finanseira, ne’ebe prepara tuir akordu ho Norma Relatoriu Finanseiru Internasional, no sujeitu ba modifikasaun iha Ata.

Ida ne’e ker dizer katak kontribuinte sira bele reividikar dedusoens adisionais ne’ebe autorizadu tuir Ata inklui:

Inventariu no kompras estoke (seksaun 35 kona-ba Ata Impostu no Taxas 2008)
Depresiasaun ba edifisiu no ativu depresiaveis (seksaun 36 ba Ata Impostu no Taxas 2008), no
Amortizasaun ba intanjiveis kontribuinte nian durante tinan fiskal (seksaun 37 ba Ata Impostu no Taxas 2008).

Ata Impostu no Taxas 2008 (seksaun 31) hatudu lista dedusaun maka la permite. Kualker dedusaun “naun-permitidu” labele hatama ba kalkulu lukru no husi determinasaun rendimentu impostu husi rendimentu kontribuinte ida nian.

Timor-Leste Ministry of Finance