• Tékniku hosi Autoridade Aduaneira Timor Leste no Indonesia koalia kona-ba “Shared Data”

Home » Anúnsiu » Tékniku hosi Autoridade Aduaneira Timor Leste no Indonesia koalia kona-ba “Shared Data” Imprime pájina

Tékniku hosi Autoridade Aduaneira Timor Leste no Indonesia koalia kona-ba “Shared Data”

20190206_Autoridade Aduaneira Timor Leste no Indonesia koalia kona-ba “Shared Data” Final

Ekipa Téknika Ministériu Finansas liuhosi Autoridade Aduaneira (AA) ne’ebé lidera hosi Adidu Autoridade Timor Leste ba Azia Pasifiku Cancio de J. Oliveira ho ekipa teknika sira realiza enkontru Bilateral dahuluk ho Diresaun Jeral Alfandega Indonesia (Direktorat Jenderal Bea dan Cukai) iha Edifisiu Alfandega Mota Ain, Atambua Indonesia, loron 31 Janeiru 2019.

Enkontru Bilateral refere reflete liu ba iha asuntu Tékniku Aduaneiros entre Timor Leste no Indonesia kona-ba Tratadu Kooperasaun Aduaneira (Customs Cooperation Arrangement – CCA). Ho ninia asuntu téknikus Aduaneiru nian hodi prepara formatu espesifika kona-ba Tratadu Kooperasaun Aduaneira ou Customs Cooperation Arrangement (TCA)
Tratadu ne’e sei sai baze legal ba iha Administrasaun Aduaneira entre Timor Leste no Indonesia hodi halao’o kna’ar iha Fronteiras entre países rua ne’e, nune’e bele prevene atividade movimentu merkadoria ilegal ne’ebé sirkula.

Autoridade Aduaneira Timor-Leste hahu’u adere ba iha Países lian Portuguese iha tinan 2002, depois Timor-Leste hetan nia ukun rasik aan hahu’u kedas hosi Primeiru Governu Konstitusional. Iha 2003, Timor Leste sai membrus ba Organizasaun Alfândegas Mundial (OMA) no iha 2013 Autoridade Aduaneira Timor Leste hahu’u integra ba iha Oceania Customs Organizations (OCO)

Nu’udar nasaun vizinhu ho Indonesia ne’ebé kobre iha área rai no tasi, rekunhese katak Indonesia ne’ebé sai uluk Membru Organizasaun Alfândegas Mundial (OMA) iha tinan 1957, Timor Leste presiza harii linha koordenasaun ne’ebé diak iha área ne’e hodi nune’e bele fortifika servisu alfandegas nian iha futuru.

Reprezentante Governu Indonesia, Diretur Alfandega Internasional Indonesia R.Syarif Hidayat iha ninia deklarasaun afirma katak Governu Indonesia liuhosi Diresaun Jeral Alfandega Indonesia prontu fo apoiu kapasitasaun liuhosi treinamentu tuir nesesidade Autoridade Aduaneira Timor Leste nian iha tempu badak.

Rezultadu hosi enkontru ne’e remata ho asina karta Koonkordasaun hanesan etapa primeiru hodi hametin diak liu tan kooperasaun entre Timor Leste no Indonesia.