• Governu lansa rezultadu prelimináriu Sensus 2015

Home » Anúnsiu » Governu lansa rezultadu prelimináriu Sensus 2015 Imprime pájina

Governu lansa rezultadu prelimináriu Sensus 2015

preliminary_result_census2015

Rezultadu Prelimináriu Sensus Populasaun no Uma-Kain 2015 lansa direitamente husi Primeiru Ministru, Dr. Rui Maria de Araújo, iha loron 21 Outubru 2015 iha eventu espesial ida iha Hotel Timor, Dili, Timor-Leste. Sensus 2015 nuda’ar Sensus terseiru desde Timor-Leste restaura ninia independensia iha tinan 2002 no primeira vez halao husi Timor oan sira ho suporta miníma husi péritu esternu sira.
Rezultadu Prelimináriu fo-sai informasaun konaba populasaun, taxa kresimentu, taxa sexu, densidade, distribuisaun urbana/rural no tamañu uma-kain iha nivel munisipal to’o iha nivel postu administrativu.
Total populasaun Timor-Leste iha fulan Juliu 2015 hamutuk milaun 1.2. Ida ne’e hatudu aumentu mais ou menus pursentu 9.5 kompara ho Sensus uluk ne’ebé halao iha tinan 2010 no kresimentu media anual ba nivel nasional pursentu 1.8.
Sr. Antonio Freitas, Direitor Jeral Estatístika, hateten katak atividade sira tuir mai maka sei prepara no fornese informasaun detailada no tabela iha nivel Munisípiu, Administrativu no Suku no relatóriu temátiku konaba tópiku oin-oin hanesan Fertilidade no Nupsialidade, Mortalidade, Projeisaun Populasaun, Migrasaun no Urbanizasaun, Uma-Kain, Forsa Trabaillu, Defisiente, Literasia no Edukasaun, Jéneru, Joven no Atlas Sensus.
Lansamentu ida ne’e lidera direitamente husi Primeiru Ministru no atende husi Ministra no Vice Ministru Finansas, DG no funsiunáriu Estatístika. Sensus 2015 halao ho susesu tamba hetan mós apoiu husi UNFPA, UN Women, UNICEF, BPS no Ajénsia Estatístika Indonésia no Australia no mós involvimentu seitor privadu hanesan Timor Telecom, Telkomcel no Telemor molok no durante prosesu Sensus. Atividade tuir maka “atu hatene liu tan dinámika ita nia kresimentu no serví diak liu tan nesesidade ita nia povu nian”, tenik Agio Pereira, portavoz Sestu Governu Konstitusional.