• Asinatura Akordu ESCROW Entre Governu TIMOR-LESTE no TIMOR PORT, S.A. HO UNITED OVERSEAS BANK LIMITED

Home » Anúnsiu » Asinatura Akordu ESCROW Entre Governu TIMOR-LESTE no TIMOR PORT, S.A. HO UNITED OVERSEAS BANK LIMITED Imprime pájina

Asinatura Akordu ESCROW Entre Governu TIMOR-LESTE no TIMOR PORT, S.A. HO UNITED OVERSEAS BANK LIMITED

Timor-Leste foti tan pasu bo’ot ida iha implementasaun Akordu Konsesaun ba konstrusaun no operasaun portu kontentores internasional foun iha Baia Tibar hafoin Asinatura Akordu Escrow entre Ministeriu Finansas no Ministeriu Obras Publika, Transporte & Komunikasaun, representa Governu Timor-Leste (GoTL), Timor Port, S.A. no United Overseas Bank Limited (UOB) – Agente Escrow, iha 28 Novembru 2016.

Bazeia ba Akordu Konsesaun, Akordu Escrow ne’e reprezenta progresu importante iha ezekusaun Viability Gap Funding (VGF) ho montante milhaun 129.45 Dolar Amerikanu husi Governu hanesan kontribuisaun ba investimentu total hamutuk milhaun 278.3 Dolar Amerikanu durante faze konstrusaun. Realizasaun ne’e hatudu komitmentu Governu nian ba konstrusaun portu modernu ida. Ida ne’e mos reflete dilijensia no kontinuasaun iha planu, preparasaun, no involvimentu ne’ebe lidera husi Ministeriu Finansas, liu husi Unidade PPP & Emprestimo, ho kolaborasaun diak husi Ministeriu Obras Publika, Transporte & Komunikasaun, no Ministeriu Planeamentu & Investimentu Estratejiku.