• Timor-Leste Asina Akordu Empréstimu Millaun $35 ba Melloramentu Distribuisaun Enerjia Eletrisidade iha Munisípiu 12

Home » Announcements » Timor-Leste Asina Akordu Empréstimu Millaun $35 ba Melloramentu Distribuisaun Enerjia Eletrisidade iha Munisípiu 12 Print Page

Timor-Leste Asina Akordu Empréstimu Millaun $35 ba Melloramentu Distribuisaun Enerjia Eletrisidade iha Munisípiu 12

Díli, 20 Dezembru 2021 – Governu Timor-Leste no Banku Dezenvolvimentu Aziátiku (ADB, sigla Inglés), ohin dadeer, asina ona Akordu Empréstimu Konsesionál millaun $35 ba Projetu melloramentu distribuisaun enerjia eletrisidade iha Munisípiu 12 no fortalesimentu kapasidade Empreza Estatál Eletricidade de Timor-Leste (EDTL) hodi jere rede elétrika ho objetivu atu moderniza setór enerjia.

Governu Timor-Leste mós aloka millaun $15 liuhusi Fundu Infrastrutura hodi finansia reabilitasaun distribuisaun rede elétrika no konstrusaun edifisiu rejionál 12.

Projetu melloramentu distribuisaun enerjia eletrisidade ne’e, sei instala 140,000 smart meters no distribui kartaun pré-pagu atu ajuda uma-kain sira hodi jere sira nia uzu eletrisidade. Projetu ne’e sei instala sistema automatizasaun distribuisaun liña enerjia ida hodi mellora rede elétrika no instala mós transformadores distribuisaun hamutuk 30 hodi redus karga ne’ebé todan.

“𝑃𝑜𝑙𝑖́𝑡𝑖𝑘𝑎 𝑂𝑖𝑡𝑎𝑣𝑢 𝐺𝑜𝑣𝑒𝑟𝑛𝑢 𝐾𝑜𝑛𝑠𝑡𝑖𝑡𝑢𝑠𝑖𝑜𝑛𝑎́𝑙 𝑚𝑎𝑘 𝑘𝑜𝑛𝑡𝑖𝑛𝑢𝑎 ℎ𝑎𝑙𝑜 𝑎𝑝𝑟𝑜𝑥𝑖𝑚𝑎𝑠𝑎𝑢𝑛 𝑏𝑎 𝐼𝑛𝑠𝑡𝑖𝑡𝑢𝑖𝑠𝑎𝑢𝑛 𝐹𝑖𝑛𝑎𝑛𝑠𝑒𝑖𝑟𝑎 𝐼𝑛𝑡𝑒𝑟𝑛𝑎𝑠𝑖𝑜𝑛𝑎́𝑙 𝑠𝑖𝑟𝑎 𝑎𝑡𝑢 ℎ𝑒𝑡𝑎𝑛 𝑒𝑚𝑝𝑟𝑒́𝑠𝑡𝑖𝑚𝑢 𝑘𝑜𝑛𝑠𝑒𝑠𝑖𝑜𝑛𝑎́𝑙 ℎ𝑜 𝑜𝑏𝑗𝑒𝑡𝑖𝑣𝑢 𝑎𝑡𝑢 𝑓𝑖𝑛𝑎𝑛𝑠𝑖𝑎 𝑖𝑛𝑣𝑒𝑠𝑡𝑖𝑚𝑒𝑛𝑡𝑢 𝑖𝑛𝑓𝑟𝑎𝑒𝑠𝑡𝑟𝑢𝑡𝑢𝑟𝑎 𝑛𝑒’𝑒𝑏𝑒́ 𝑓𝑜́ 𝑖𝑚𝑝𝑎𝑘𝑡𝑢 𝑏𝑎 𝑘𝑟𝑒𝑠𝑖𝑚𝑒𝑛𝑡𝑢 𝑒𝑘𝑜𝑛𝑜́𝑚𝑖𝑘𝑢 𝑖ℎ𝑎 𝑟𝑎𝑖-𝑙𝑎𝑟𝑎𝑛 𝑛𝑜 𝑔𝑎𝑟𝑎𝑛𝑡𝑖𝑎 𝑠𝑢𝑠𝑡𝑒𝑛𝑡𝑎𝑏𝑖𝑙𝑖𝑑𝑎𝑑𝑒 𝐹𝑢𝑛𝑑𝑢 𝑀𝑖𝑛𝑎𝑟𝑎𝑖,” Ministru Rui Gomes hateten. “𝐸𝑚𝑝𝑟𝑒́𝑠𝑡𝑖𝑚𝑢 ℎ𝑜 𝑚𝑜𝑛𝑡𝑎𝑛𝑡𝑒 𝑚𝑖𝑙𝑙𝑎𝑢𝑛 $35 𝑛𝑒’𝑒 ℎ𝑎𝑛𝑒𝑠𝑎𝑛 𝑒𝑚𝑝𝑟𝑒́𝑠𝑡𝑖𝑚𝑢 𝑏𝑎𝑟𝑎𝑡𝑢 ℎ𝑜 𝑓𝑢𝑛𝑎𝑛 𝑘𝑖’𝑖𝑘 ℎ𝑜 𝑛𝑖𝑛𝑖𝑎 𝑝𝑒𝑟𝑖́𝑜𝑑𝑢 𝑚𝑎𝑡𝑢𝑟𝑖𝑑𝑎𝑑𝑒 𝑡𝑖𝑛𝑎𝑛 15 𝑛𝑜 𝑝𝑒𝑟𝑖́𝑜𝑑𝑢 𝑘𝑎𝑟𝑒𝑛𝑠𝑖𝑎 𝑡𝑖𝑛𝑎𝑛 5. 𝑅𝑒𝑡𝑜𝑟𝑛𝑢 𝑖𝑛𝑣𝑒𝑠𝑡𝑖𝑚𝑒𝑛𝑡𝑢 𝐹𝑢𝑛𝑑𝑢 𝑀𝑖𝑛𝑎𝑟𝑎𝑖 𝑖ℎ𝑎 𝑆𝑒𝑡𝑒𝑚𝑏𝑟𝑢 2021 𝑎𝑡𝑖𝑛𝑗𝑖 4,87% 𝑘𝑎𝑑𝑎 𝑡𝑖𝑛𝑎𝑛, 𝑘𝑜𝑚𝑝𝑎𝑟𝑎 ℎ𝑜 𝑘𝑢𝑠𝑡𝑢 𝑒𝑚𝑝𝑟𝑒́𝑠𝑡𝑖𝑚𝑢 𝑘𝑜𝑛𝑠𝑒𝑠𝑖𝑜𝑛𝑎́𝑙, 2% 𝑘𝑎𝑑𝑎 𝑡𝑖𝑛𝑎𝑛,” Governante ne’e konklui.

Akordu Empréstimu ida-ne’e mak Dahuluk ba Eletricidade de Timor-Leste; hetan apoiu kontribuisaun finanseira husi Ita-nia Parseiru Dezenvolvimentu hanesan BDA, hafoin estabelese nu’udar Empreza Públiku. Akordu ida-ne’e mós hanesan apoiu BDA ba Dahuluk iha setór enerjia iha Timor-Leste. Ida-ne’e hatudu sinál konfiansa ba malu husi parte rua ne’ebé envolve iha selebrasaun Akordu ne’e.

Iha eventu Asinatura Akordu ne’e, Ministru Rui Gomes akompaña husi Ministra Negósius Estranjeirus no Kooperasaun, Adaljiza Magno, Ministru Obras Públikas, Salvador Soares dos Reis Pires no Vise-Ministra Finansas, Sara Lobo Brites.

Iha Sorumutuk loron 15 fulan-dezembru 2021, Konsellu Ministrus autoriza Ministru Finansas, Rui Gomes hodi reprezenta Estadu Timor-Leste Asina Akordu Empréstimu millaun $35 ho Banku Dezenvolvimentu Aziátiku. ***