• UPPP Sosializa Koñesimentu Edukasionál Liuhosi Workshop

Home » Anúnsiu » UPPP Sosializa Koñesimentu Edukasionál Liuhosi Workshop Imprime pájina

UPPP Sosializa Koñesimentu Edukasionál Liuhosi Workshop

20191017_UPPP Sosializa Koñesimentu Edukasionál Liuhosi Workshop

Ministériu Finansas liuhosi Unidade Parseria Publiku Privadu (PPP) sosializa papel no funsoens hosi unidade refere ba liña ministériu liuhosi semináriu loron ida. Semináriu ne’ebé hala’o iha loron 15 Outubru 2019, nu’udar programa faze dahuluk bazeia ba planu servisu hosi Unidade Empréstimu no PPP haktuir hosi Planu Asaun Anual 2019.

Semináriu ne’ebé hala’o iha auditóriu Ministériu Finansas ho partisipasaun mai hosi kargu xefia inklui asesores sira hosi Ministériu Obras Públikas no Ministériu Finansas, nu’udar oportunidade hodi dizemina koñesementu konaba: konseitu báziku hosi prezensa Parseria Públiku-Privada, Quadro legal hosi servisu PPP iha Timor-Leste inklui funsoens no responsabilidade Unidade PPP ne’ebé tutela iha Ministériu Finansas.

Unidade Parseria Públiku Privada hari’i tuir Dekretu-Lei Númeru 8/2014, ho funsoens no responsabilidade balun mak identifika dezafius ne’ebe enfrenta hosi liña ministeriais sira durante preparasaun to faze implementasaun projetu hirak ne’ebe mai hosi fundus empréstimu.