• UPRKJFP Hahu’u Kapasitasaun Ba Nível Munisipiu Kona-Ba Jestaun Finansas Públika.

Home » Announcements » UPRKJFP Hahu’u Kapasitasaun Ba Nível Munisipiu Kona-Ba Jestaun Finansas Públika. Print Page

UPRKJFP Hahu’u Kapasitasaun Ba Nível Munisipiu Kona-Ba Jestaun Finansas Públika.

IMG_1

Unidade Polítika Reforma no Kapasitasaun Jestaun Finansas Públika (UPRKJFP) hosi Ministériu Finansas hala’o sesaun treinamentu dahuluk kona-ba Jestaun Finansas Públika Nível Munisípiu hosi loron 4 – 8 Novembru 2019 iha Salaun Hotel Uma Liurai, Same.
Topiku ne’ebé oferese durante treinamentu ne’e liga ba área aprovizionamentu no pagamentu ho objetivu hodi eleva koñesementu no kapasidade iha jestaun servisu aprovizionamentu bazeia ba regras no prosidementus ne’ebé estabelesidu.
“Objetivu hosi treinamentu ne’e atu mellora kapasidade pesoal sira iha área aprovizionamentu no pagamentu tamba ida ne’e mak área krítiku iha Prosesu aprovizionamentu” hateten Xefe UPRKJFP, Martinho Lopes.
Haktuir hosi regras kona-ba prosesu ezekusaun servisu iha jestaun finansas públikas, ejisti pilares ha’at hanesan mobilizasaun rekursu, alokasaun orsamentu, utilizasaun rekursu no ikus liu mak monitorizasaun no relatóriu sai mós topiku prioridades hosi treinamentu ne’e.
Pilares hat ne’e hetan supervizaun hosi dirasaun diferente uainhira tama iha prosesu ezekusaun servisu hanesan mobilizasaun rekursu tutela ba Autoridade Tributária, Autoridade Aduaneira no ajensia non-fiskais sira ne’ebé rekolla reseitas ba Estadu. Pilar daruak Alokasaun orsamentu tutela ba Diresaun Jeral Planeamentu no Orsamentu. Pilar datoluk mak Utilizasaun Rekursu liu hosi prosesu treinamentu no Pilar ikus liu mak halo Monitorizasaun no relatóriu tutela hosi Diresaun Jeral Tezouru.
Iha sorin seluk, treinamentu semana ida ne’e UPRKJFP mós hahu’u promove lema ho naran Leading People to Change (Lori Ema ba Mudansa). Leading People to Change sei eleva kada pesoal nia abilidade no koñesementu, mellora sistema no atetudi ho komportamentu.
UPRKJFP Hahu’u Kapasitasaun Ba Nível Munisipiu Kona-Ba Jestaun Finansas Públika
“Ami husu ita bo’ot sira atu uja opurtunidade ne’e ho didiak hodi eleva ita bo’ot sira nian koñesementu. Ida ne’e sai ita hotu nian responsabilidade hodi funsiona jestaun finansas públika iha nível munisípius” hateten Martinho Lopes uainhira loke sesaun abertura treinamentu.

Orsamentu hosi programa kapasitasaun mai hosi Fundo Dezenvolvimentu Kapital Humanu (FDCH) ne’ebé kobre Munisípiu Viqueque, Lautem, Baucau, Manatuto no Manufahi ho totál partisipantes hamutuk 42.