• VIII Governu Konstitusionál Finaliza Diskusaun KROP

Home » Anúnsiu » VIII Governu Konstitusionál Finaliza Diskusaun KROP Imprime pájina

VIII Governu Konstitusionál Finaliza Diskusaun KROP

20190924_VIII Governu Konstitusionál 1

Haktuir hosi kumprimisu politika VIII Governu Konstitusionál katak sei kontinua kontribui ba transforma Timor-Leste, sai país ida ne’ebé iha rendimentus ki’ik ba país ida ho rendimentus médios-altos, Komite Revizaun Orsamentu Polítika (KROP) iha loron 23 Setembru 2019 hola fatin iha Auditoriu Xanana Gusmão Ministériu Finansas, finaliza ona diskusaun konaba prioridade nasional ne’ebé sei aposta iha Orsamentu Jerál Estadu (OJE) 2020.

Diskusaun iha loron dahikus, KROP halo apresiasaun finál no kontinua orienta ba Ministériu Finansas hodi halo atualizasaun finál antes aprezenta ba Konsellu Ministru loron 27 Setembru. Ho nune’e Ministériu Finansas bele hahu’u ona prepara dokumentu suplementar sira hanesan livru orsamentu numeru I to VI hodi apresenta iha Parlamentu Nasionál loron 15 Outobru 2019 haktuir hosi Lei Jestaun Orsamentu no Finanseira ne’ebé istipula iha kalendariu submisaun nian.

Diskusaun ne’ebe hahú iha loron 9 Setembru 2019, KROP hatudu pasu pozitivu hodi halo filtralizasaun ba proposta sira ne’ebe mai hosi lina Ministériais no institusaun estadu relevantes sira seluk. OJE 2020 enkuadra ho prioridade nasionál ne’ebé governu determina tiha ona hanesan kapital sosiál, ekonómia, fundu infraestrutura no setór institusionál.

“Proposta adisional sira ne’ebé maka hato tenke aloka tuir sekuensia sira ne’e depois ita bele hare’e postura hosi orsamentu ne’e rasik. Ninia enkuadramentu ne’e tenke fó konsentrasaun ba iha setores ida ne’ebé mais importante liu hanesan setór kapital sosiál, setór ekonomia, setór infra-estrutura no setór institusional”. haktuir Diretor Jeral Finansas Estadu, Ministériu Finansas, Januario da Gama.

Tetu fiskál OJE 2020 ho montante biloins 1.6 ne’ebé antes ne’e hetan aprovasaun hosi Konsellu Ministru seidauk sufisiente hodi kobre nesesidade entermus programa no atividades hosi liña ministerias no instituisaun estadu relevantes hotu ba tinan 2020. Ho nune’e ministériu no institusaun aprezenta no justifika kona-ba proposta adisional balun hodi ajusta ho despeza 2020.
“Iha posibilidade sei aumenta tanba ho pakote 1.6 biloins ne’ebé distribui iha konprimisu polítika foun lubuk ida maka tenke hatan ba orsamentu 2020”. hateten Januario da Gama

Komite Revizaun Orsamentu halo revizaun ba proposta orsamentu idak-idak no konvida ministériu no instituisaun estadu relevantes sira atu defende no fo razaun ba proposta ida-idak. Bainhira ministériu no instituisaun estadu relevantes hotu aprezenta sira nia propostas, Komite Revizaun Orsamentu kuntinua forma orsamentu hosi proposta hirak ne’e hodi apresenta ba Konsellu Ministru.