• VIII Governu Konstitusionál hahu’u halo Diskusaun ba OJE 2020

Home » Anúnsiu » VIII Governu Konstitusionál hahu’u halo Diskusaun ba OJE 2020 Imprime pájina

VIII Governu Konstitusionál hahu’u halo Diskusaun ba OJE 2020

20190909_VIII Governu Konstitusionál hahu’u halo Diskusaun ba OJE 2020 1

Komite Revizaun Orsamentu Polítika (KROP) 2020 lidera hosi Primieru Ministru Taur Matan Ruak iha loron 09–21 Setembru 2019 hahu’u halo apresiasaun no filtarizasaun ba proposta orsamentu 2020 ho liña servisus sem Fundu Autónoma, Servisu Fundu Automas, Instituisaun Estadu no Munisípiu. Diskusaun ba proposta hirak ne’e sei hala’o iha Auditoriu Xanana Gusmão, Ministériu Finansas.

Haktuir hosi sirkular nú.04/VIII/GVM-DGFE/2019, sorumutu ne’e nu’udar faze diskusaun ho responsável hosi Instituisaun estadu, ajensia públika autónoma, Autoridade Administrador Munisípiu hodi atende no halo diskusaun ho membro KROP antes hetan konsiderasaun final ba OJE 2020.

“Ohin komesa halo diskusaun no apresiasaun ba iha ministériu sira ne’ebé kontribui ba iha Setór Sosial. Liu-liu ba iha Ministériu Edukasaun, Joventude Desportu, Ministériu Ensinu Superior no Kultura nomós ho instituisaun sira ne’ebé tutela no inklui mós Porkuradór Repúblika, tanba iha pedidu ida atu halo Auzensia hodi halo vizita ba rai liur” haktuir Diretór Jerál Finansas Estadu Januario da Gama iha loron dahuluk hosi sorumutu KROP nian.


Enkontru ho Ekipa KROP hodi bele hetan apresiasaun hodi defini programas prioridades tuir polítika VIII Governu Konstitusionál mak hanesan; (1) Polítika orsamentu ne’ebé aloka tenke kontribui ba kresimentu ekonomia 7% iha tinan 2020. (2) Tenke kontribui ba iha kriasaun kampu traballu kada tinan 60 mil. (3) Tenke kontribui ba kolesaun reseitas 17% iha tinan 5 nia laran. No ikus liu kontribui ba redusaun pobreza 10% iha tinan 5 nia laran.

Wainhira enkontru semana rua ne’e remata, Ministériu Finansas kuntinua rekolla informasaun hirak ne’e antes aprezenta proposta hosi enkontru KROP ba Konsellu Ministru hodi hetan aprovasaun.