• Vise-Ministra Finansas Espera PR Promulga OJE 2018

Home » Anúnsiu » Vise-Ministra Finansas Espera PR Promulga OJE 2018 Imprime pájina

Vise-Ministra Finansas Espera PR Promulga OJE 2018

Vise-Ministra Finansas Sara Lobo Brites espera Prezidente Repúblika bele promulga Orsamentu Jerál Estadu (OJE) 2018 iha fulan ida ne’e, tanba iha Setembru nia laran laiha ona orsamentu Duodésimu, lia hirak ne’e hato’o bainhira partisipa iha lansamentu konstrusaun Portu Tibar iha loron 30/08/2018.

Tuir kalendariu debate OJE espesialidade iha loron lima no orsamentu ba aprovasaun final global sei akontese iha loron 7 Fulan Setembru 2018. Presiza tempu loron 3 halo koresaun ba alterasaun sira ne’ebé sei akontese durante debate iha espesialidade no purtantu loron 10 Fulan Setembru 2018 maka sei haruka ba Prezidente. Ita hotu hein katak Prezidente Repúblika bele promulga iha fulan ida ne’e nia laran, tanba Fulan Setembru laiha orsamentu Duodésimu.

Hatan ba kestaun Prezidente Republika promulga OJE 2018 tarde, Vise-Ministra ne’e hateten katak “ida ne’e desizaun ida ne’ebé maka sei foti iha enkontru Konsellu Ministru se nu kazu promulgasaun ne’e demora iha Fulan Setembru” tenik Vise-Ministra Finansas Sara Lobo Brites.

Ita nia mákina ho sistema sira interligadu nomós montadu hotu ona, ita nia direzente sira mós hatene servisu, naran katak bele promulga lalais para ita bele hahu ezekuta iha Fulan Setembru nia laran. Se dada ba to’o Fulan Outubru ita hela deit fulan 3 no tempu ne’e maka limitadu. Purtantu se ita hare’e pagamentu medida bo’ot sira governu aloka para atu selu akontese hotu iha Fulan Setembru no Outubru tama ba Novembru ho Dezembru ita ezekuta deit ho normál hau hanoin laiha problema.

“Envelope fiskál normalmente taka iha loron 15 Novembru 2018 no agora ami hare’e hela situasaun ida ne’e, tanba uluk sistema seidauk interligadu ho sistema banku nian. Maibé tinan ida ne’e parese mudansa oituan ba oráriu para bele fó biban ba Ministériu sira ezekuta sira nia osan” hatutan Vise-Ministra Finansas Sara Lobo Brites.

Hatan ba utilizasaun orsamentu Duadésimu iha fulan Juñu no Julhu nian governante ne’e informa katak ita hotu hatene saldo ikus hosi Fulan Juñu nian iha $20.6 milloens ne’ebé fó sai iha média. Iha fulan Julhu aguenta $20.6 milloens aumenta tan ho reseitas doméstika purvolta $10 ital no iha fulan Julhu ita ezekuta $30 ital mil. Osan Minarai foin lalais halo levantamentu ba fundu petrolíferu ne’e iha $140 mil uza iha fulan Agostu 2018 nia laran.