• Vise-Ministra Finansas hala’o kampaña vasina covid-19 iha Illa Atauro

Home » Announcements » Media Releases » Vise-Ministra Finansas hala’o kampaña vasina covid-19 iha Illa Atauro Print Page

Vise-Ministra Finansas hala’o kampaña vasina covid-19 iha Illa Atauro

Segunda, loron 11, fulan-Outubro 2021- Vise-Ministra das Finansas, Sara Lobo Brites hala’o kampaña vasina Covid-19 ba komunidade sira iha ilha Atauro, suku vila. Durante kampaña la’o Governante ne’e konsensializa komunidade Atauro sira ne’ebé rejiste atu simu vasina ba prevensaun COVID 19. Ami nia presensa hanesan jestu ida ne’ebé hatudu Governu  Sentral nia atensaun makas ba povu Atauro no lakoi atu povu sira sai vítima hosi moras Covid-19. Úniku vasina maka bele liberta hosi risku ba moras no impaktu sira sósio ekonómiku kauza hosi Covid-19. Vise-Ministra husu ba komunidade sira atensaun ba profesionais saúde nia esplikasaun kona-ba objektivu hosi vasina no husu ba líder komunitáriu sira atu intensivu halo sosializasaun ba komunidade sira ne’ebé sei duvida no tauk atu simu vasina.  Atauro nakfila ba Munisípiu presiza ema ne’ebé saudável atu kontribui ba dezenvolvimentu.

 

iha kampaña vasina Covid-19 ida ne’e sei konsentra ba Suku sira ho taxa vasina sei ki’ik.  Kanpaña ne hetan partisipasaun husi Padre, Madre, Pastor, Komandante esquadra PNTL, FFDTL, Lideres Kumunitariu, Veteranos, Sociedade Civil. Vise-Ministra das Finansas, Sara Lobo Brites maka lidera enkontru no akompaña hosi, Diretór-Geral Coorporativos, Joanico Pinto, Chefi Gabinete Vise-Ministra das Finansas, Gina Leila Alves, Administradór Posto Administrativo Atauro, Bosco de Jesus Afonso, Diretóra Saúde Munisípio Díli, Agustinha da C.S segurado no hetan partisipasaun másima husi Komunidade suku Villa Atauro. Tuir planu ekipa sei desloka ba aldeia sira iha area remotas no dok hosi sentru saude atu hetan vasina to loron 15 outubru 2021. REMATA