• Vise-Ministra Finansas hala’o serimonia Koa fita ba Roo Berlin Ramelau

Home » Announcements » Vise-Ministra Finansas hala’o serimonia Koa fita ba Roo Berlin Ramelau Print Page

Vise-Ministra Finansas hala’o serimonia Koa fita ba Roo Berlin Ramelau

Dili,  loron 20 fulan-dezembro tinan 2021, Vise-Ministra Finansas, Sara Lobo Brites akompanha Primeiru Ministru Taur Matan-Ruak, no Ministru Transporte Ministru Transportes no Komunikasoins José Agustinho da Silva hodi hala’o serimónia koa fita ba Hand Over Roo Berlin Ramelau iha, Porto Díli.

Projetu konstrusaun Roo pasajeirus nasional daruak ne’e, konfinansiadu husi Governo Timor-Leste no Governo Repúblika Federal Alemanha, nebé kontribui ho montante 8.7 milloes dólares amerikanu no Governu Timor-Leste kontribui ho montante 7.9 millhoes dólares amerikanu. Konstrusaun ba Roo Berlin-Ramelau rasik hala’o iha nasaun China, Roo pasajeiru foun, ne’ebé tuir previzaun sei hahú nia operasaun iha tinan 2021, daudaun ne’e empreza armadora olandeza Damen Shipyards maka konstroi. Roo ne’e nia luan mak metru 16, kaladu metru 3,3 no nia naruk metru 67,3, konvés nia aas metru 4,8 no sei atinje velosidade másima nós 10 to’o 12 no bele lori pasajeiru 380.

Iha objetivu Política husi VIII Governu Konstitusional hodi kontribui nasaun ida nebé avansadu liu ho dezenvolvimentu iha setores sosio-ekonómiku oioin, nomeadamente iha setór transporte no komunikasaun.

Ikus liu Serimónia Hand Over ne’e hetan partisipasaun husi, Primeiru Ministru Taur Matar- Ruak, Vise-Parlamento Nasional, Angelina Sarmento, Vise-Ministra Finansas, Sara Lobo Brites, Arquebispo Dom Virgílio do Carmo, Membro Governo sira, Membro Parlamento sira no Reprezentante husi GIZ, Rainer Schellhaas. REMATA