• Vise-Ministra Finansas hamutuk ho Komisaun C halo ona Redasaun Final ba Proposta OJE 2021

Home » Anúncios » Vise-Ministra Finansas hamutuk ho Komisaun C halo ona Redasaun Final ba Proposta OJE 2021 Imprimir a página

Vise-Ministra Finansas hamutuk ho Komisaun C halo ona Redasaun Final ba Proposta OJE 2021

Iha loron 14 fulan-Dezembru tinan 2020, Governu liu husi Vise-Ministra Finansas, Sara Lobo Brites, hala’o ona redasaun finál ba Proposta Lei Orsamentu Jerál Estadu (OJE) tinan 2021 ho votus afavor 8 kontra 0 no abstensaun 0.

Tuir rejimentu depois halo aprovasaun Finál Global ba OJE 2021 iha plenária no Komisaun C ne’ebé trata asuntu (finansas publikas) no Ministériu Finansas mak sei responsabiliza ba redasaun finál Proposta Lei refere no ohin ami konklui ona hamutuk ho tékniku sira husi Ministériu Finansas nian nomós membru Deputadu Komisaun C sira.

Proposta Lei OGE 2021 ida ne’e ami sei haruka ba Prezidenti Parlamentu i PPN sei haruka fali ba iha Prezidenti Republika, Francisco Guterres Lú-Olo no Prezidente Repúblika iha direitu prerrogativu loron 30 hodi halo analize no Promulga Lei OGE 2021.