• Vise-Ministra Lidera Enkontru Regular PIF Batugede ba-dala XIX

Home » Announcements » Vise-Ministra Lidera Enkontru Regular PIF Batugede ba-dala XIX Print Page

Vise-Ministra Lidera Enkontru Regular PIF Batugede ba-dala XIX

Batugede, loron 20 fulan-dezembru 2021– Vise-Ministra Finansas, Sara Lobo Brites, hamutuk ho Diretúr Jerál Autoridade Aduaneira, José António Fátima Abílio hala’o enkontru regular hamutuk ho Konsellu Jestaun Ezekutivu ba Avaliasaun  Jestaun Servisu Postu Integradu Fronteira (PIF) Batugede. Ho objetivu halo avaliasaun dezempenhu servisu ajénsia Estadu ba atendimentu ema, sasan, no seguransa tama no sai iha Postu Intregadu Fronteira Batugede.

Iha reuniaun refere hetan mós intervensaun husi Komandante Polísia Fronteira, Euclides Belo kona-ba seguransa iha Fornteira ho Liña Ministériu no instituisoins sira hotu. Husi ponto vista Unidade Polísia Fronteira (UPF) nian, katak fatin stasionamentu ba transporte sira nebé tama husi fronteira sei klot tamba ne’e presiza halo luan liu tan fatin stasionamentu atu nune bele identifika kareta nebé tama no kareta nebe sai.

Tuir ponto de vista husi Komandante PNTL musípio Bobonaro nian, katak visto entrada ne’e mak sei sai problema turista ida tama mai ho visto entrada turístiku nia so bele halao deit nia atividade turístika no labele fali halo atividade servisu iha ita rai laran. Iha mós intervensaun husi Diretór Imigrasaun hateten katak, fasilidade iha Posto Integradu Batugede, nebé seidauk kompletu, hanesan kadeira ba passajeiru sira laiha wainhria sira prense formuláriu.

Asunto nebé resente agora mak ita labele exporta karau ba iha Indonézia tamba ita nia karau barak mak hetan moras, tamba nee ami iha komitmentu hodi servisu atu melhora servisu diak liu tan hodi nune ita bele exporta ita nia karau ba Indonezia, hateten Diretor Quarentena MAP. Iha sorin seluk Diretor Alfandega mós husu mos ba linha Ministeriu sira hotu atu bele uza sistema Single Window (ASYCUDA WORLD).

Ikus liu Iha intervenção husi Vise-Ministra Finansas, katak obstákulu hodi halo impedimento ba atividade sira nee hotu mak moras Covid-19. Maibe ita mos agradee ba progresso nebe mak lao neneik. Pedido husi instituições hotu sei a nota husi Serviço Corporativo. kestaun nebe mak hau atu foca mak Koordenasaun no Komunikasaun. Governnate ne’e mos husu atu reunião hanesan nee tenki halo fulan tolu dala ida, no husu mos dirijente máximo husi instituisaun sira seluk tenki partisipa másima nune ita bele halo koordenasaun diak liu tan. No importante los ita hotu iha nee servisu hanesan ekipa hodi assegura ita nia fronteira. Ita hotu-hotu mos tenki hametin Law Enforcement ba ema hotu nebe mak kontra lei. Ita mos tenki hatoman ita nia aan hodi servisu uza sistema tamba nee tenki iha ona mudansa iha mindset ita hotu nian hodi nune bele adapta ho digitalizasaun hodi nune bele melhora ita nia atendimento ba Públiku.

Enkontru ne’e lidera direta husi Vise-Ministra Finansas, Sara Lobo Brites, no hetan partisipasaun másima husi Diretúr Jerál Autoridade Aduaneira José António Fátima Abílio, Diretór Jeral Servisu korporativus, Joanico Pinto, Komisário Autoridade Tributária, Uldarico Maria Rodriguez. Insititusaun sira seluk mak hanesan, Institusaun Konsellu Jestaun Ezekutivu Postu Integradu Fronteira (PIF) Batugede, PNTL, UPF, DNTT munisípiu bobonaro, Migrasaun, F-FDTL, Quarentena.  Remata.