• Vise-Ministra Sara Lobo Brites lidera Serimónia Icar Bandeira

Home » Announcements » Vise-Ministra Sara Lobo Brites lidera Serimónia Icar Bandeira Print Page

Vise-Ministra Sara Lobo Brites lidera Serimónia Icar Bandeira

IMG_0897_result

Ministériu Planu no Finansas hala’o Serimónia Icar Bandeira hanesan jestu ida atu fó onra ba herói sira ne’ebé mate iha funu laran. Serimónia ne’e realiza iha edifisiu Ministériu Planu no Finansas Aitarak Laran, iha 6/11/2017.

Iha ninia diskursu durante serimonia ne’e, Vise-Ministra Planu no Finansas Sara Lobo Brites hato’o apresiasaun no orgullu ba ministériu ida ne’e. La’ós deit refere ba dezenvolvimentu fíziku, maibé kapasidade en-jerál institusionál nian liuhosi reforma sira ne’ebé Ministériu Planu no Finansas introdus tia ona, ho objetivu atu hadia diak liutan prestasaun servisu ba instituisaun estadu tomak no mós ba públiku.

“Konserteja progresu sira ne’e hanesan susesu koletivu liuhosi kontribusaun parte sira hotu sai ekipa ida solidu hodi tane as interese ministériu nian” hateten Vise-Ministra.

Hanesan funsionáriu públiku atu mantein dinámika servisu ho diak hodi bele hala’o kna’ar ho professional, nafatin mantein koordenansaun servisu iha liña ministériu nia laran no instituisaun estadu sira seluk.

Vise mós informa katak Ministériu Planu no Finansas hanesan ministériu tékniku, tanba ne’e tenke mantein servisu tékniku, hakmantek no labele influénsia ba polítika sira hodi bele afeta ba dezempeñu lor-loron.

“Iha fulan Novembru no Dezembru ita sei taka konta tanba ne’e ita nafatin hamutuk atu bele servisu ho badinans no másimu” haktuir Vise-Ministra antes atu hakotu ninia diskursu.

Serimónia icar bandeira ne’e dirizi hosi Autoridade Aduaneira no hetan partisipasaun másimu hosi funsionáriu tomak Ministériu Planu no Finansas.