• Vizita Liu-rai oan mane husi Licehtenstein mai Timor-Leste

Home » Anúnsiu » Vizita Liu-rai oan mane husi Licehtenstein mai Timor-Leste Imprime pájina

Vizita Liu-rai oan mane husi Licehtenstein mai Timor-Leste

Sua Alteza Serenísimu liu-rai oan mane Philip husi Licehtenstein no nia delegasaun sei mai vizita Timor-Leste entre loron 10 no loron 12 fulan Novembru. Liu rai oan mane Philip mak hanesan Prezidente ba Grupu Fundasaun LGT nian, grupu ne’ebé mak kaer riku soin no halo jestaun ba patrimóniu sira ne’ebé daudauk ne’e pertense ba uma liurai oan nian Liechtenstein nian, família boot ba nasaun kiik oan ne’ebé iha Europa Sentrál iha foho sira nia klaran.

Durante vizita, delegasaun ne’e iha oráriu atu hasoru malu ho Prezidente Repúblika Sua Exelénsia Dr, Jose Ramos Horta no Sua Exelénsia Primeiru-Ministru, Kay-Rala Xanana Gusmão hamutuk ho membros Governu no ofisiál sira seluk Estadu nian. Liu rai oan mane Philip, ne’ebé reprezenta grupu Fundasaun LGT nian espera katak atu bele asina Memorandu Entendimentu ida ho Ministériu Finansa hodi aumenta no haforsa kooperasaun no relasaun. Memorandu ne’e inklui proposta sira hanesan programa treinamentu ba funsionáriu públiku sira ho grupu LGT ne’e no sei fahe kosimentu investimentu nian no nia métodu ka téknika sira.

Iha semináriu ida ba funsionáriu sira Ministériu nian kona-ba “Distribuisaun estratéjika ba bein sira”ne’ebé organiza husi gestór LGT inklui Diretór Sr.Ivan Cheng no sub-Xefe servisu investimentu Grupu LGT Ázia nian, Sr. Felix Barrientos, jestór Seniór ba relasaun no Diretór Ezekutivu ba banku LGT (Singapura), ne’ebé sei hala’o durante vizita ne’e.

Liu rai oan mane ne’e mós tuir oráriu halo vizita ba  instituisaun sira Estadu nian no NGO lokál sira no sei haree mós ba potensialidade Timor-Leste nian kona-ba turízmu ne’ebé sei haburas iha ázia no deslokasaun ba fatin sira iha Dili ne’e.

Governu hatudu ninia apresiasaun ba vizita liu rai oan mane Philips ne’e no nia interese ba iha nasaun Timor-Leste ne’e.